لكن شمس اتضايقت منه جدا
لما طلب منها ماتتدخلش بين سما ونور. ولا تسألها عن اللي حصل. ولو سما حكت لها تهديها أو تدعمها لكن ماتحاولش تتدخل بينهم أو تتكلم مع نور في أي حاجة.
ودا لأن هو موقفه حرج جدا وماينفعش يتدخلوا بين زوج وزوجته
@@@@@@@@@@@@@@@@@@@@@
سما بطلت عياط وكأن دموعها جفت
ولكن الدموع مش بتجف ابدا
نور دخل الأوضة بدون مايخبط وشافها قاعدة مكانها وصينية الأكل اللي الخدامة طلعتها من شوية فوق الطربيزة والأكل زي ماهو
نور بحنان / حبيبتي ليه ما اكلتيش
سما ماردتش عليه و اتعدلت في السرير ونامت وسحبت اللحاف عليها تخبي وشها
نور ماحبش يضغط عليها في الأكل وقال كفاية اللي حصل من شوية
( لا والله كتر خيرك. حنين اوي )
بعد كان دقيقة سما حست بيه وهو بينام جنبها على السرير
جسمها اتنفض
هي افتكرت أنه قال كدة من عصبيته وبس لكن مافكرتش انه ممكن يغصبها تنام جنبه. بعد ماهو اللي كان هاجرها
وقبل ماتستوعب نومه جنبها
كان نور بيمد ايده علشان يسحبها تنام في حضنه
لكن هي اتنفضت وقامت من على السرير كله
ونور قام هو كمان من الجهه التانية
سما / طلاما انت قررت تنام هنا. انا اللي هسيب الأوضة. أشبع بيها
قبل ماتقرب من الباب كان هو مسكها من ايديها