رحمة بفرحة / وأنا كمان هبقي عمتو
أحمد بهمس لرحمة / انتي هتبقي مرات خالو. يا هبلة
رحمة اتكسفت جدا منه وبصت في الأرض
رامي / وأنا هبقي خالو ياااااه
أحمد / خالو مين يا ابني هو تلاقيح جتت ولا ايه.
انا هخليه يقولك يا واد يا رامي هههههههههه
رامي / لا يا ظريف دا انا اللي هخليه يرش عليك مايه ويقولك مش عايزين النهاردة
أما انا بقى فهبقي صاحبه وهيبقي تربيتي. ما انا عمو وفي نفس الوقت خالو. وكمان صاحب أمه
أسر بحدة / اتلم يلاّ ايه صاحب أمه دي
أحمد / هههههههههه هههههههههه اهبل اهبل
وبعدين انا اللي هربي ابن اختي اصلا ومش هخليه يبص في خلقتك
أسر / ومين قالكوا أن انا هسمحلكوا تقربوا من ابني اساسا دا انتوا تعقدوه في حياته
هاجر / طيب سيلين انتي حامل في أد ايه
سيلين/ شهر واسبوعين
نورا / طيب عرفتي هو ولد ولا بنت
صافي / لسه مش هتعرف دلوقتي. لو ولد هتعرف بعد شهر أو أقل
رانيا / ولد او بنت اللي ربنا يجيبه حلو
( وبعد وقت اتعشوا وقعدوا يتكلموا شوية ويضحكوا وينبسطوا )
( ونسيبهم في فرحتهم وسهرتهم الجميلة اللي حبوا يشاركوا بعض فيها )
@@@@@@@@@@@@@@@@@@@@
شمس نامت في حضن مهاب بعد يوم طويل مع بعض. قضوه ضحك وفرح. لأن مهاب حّب يعوض الدموع اللي نزلت من عيون شمسه النهاردة بضحك طول اليوم