( نور خلص كلامه وسابها وخرج قبل مايتهور عليها. لكن برغم كل الكلام اللي قالوه لبعض.هو فرحان لأنه اخيرا سمع صوتها )
سما بعد ماهو خرج بدأت تبكي بشدة
لسه في نظره غلطانة ومذنبة
لسه زي ماهو ما اتغيرش
حتى مافكرش برضوه يسمعها
لسه هو اللي دايما صح وهي غلط
@@@@@@@@@@@@@@@@@@@@@
في قصر يوسف تاج الدين
محمود اتصل بالعيلة قبل مايشموا من المطعم. وطلب من سناء تحضر الأكل للعيلة كلها لأنهم هيتغدوا عندهم. واتصل بأعمامه وقالهم
والكل استغرب من التجمع المفاجئ ده. لكن محمود قال إن في موضوع ضروري
العيلة كلها قاعدة
وفي توتر شوية مش بيهزروا زي عادتهم
محمود بجدية / عارف ان الكل مستغرب من التجمع ده
لكن انا حبيت اجمعكوا علشان في خبر حلو. كنت هقوله بعد الأكل لكن قولت أفتح نفسكوا بيه الأول
و أسر هو اللي هيقولكم عليه
عادل / ماتقولوا بقى وتخلصونا بدل ما انتوا قاعدين بقالكوا ساعة ماحدش عايز يتكلم
أسر / في فرد جديد هيشرف العيلة بوجوده عن قريب
ليلى / ايه دا فرد مين
أسر / ابني أو بنتي. اللي ربنا يرزقنا بيه بقى
سناء بفرحة / سيلين حامل
سيلين بابتسامة/ أيوة يا ماما
الفرحة انتشرت على العيلة كلها بالخبر السعيد والمفاجأة السارة
ليلى / يعني انا هبقى عمتو