نور بهدوء / سما الكلام ده مش هيحصل. انا بس كنت بقول كدة علشان اوجعك زي ما وجعتيني مش اكتر
سما / وهو في اكتر من كدة ايه. انت فعلا وجعتني واخدت حقك مني. لأني زي ما انت قولت أنانية ومابحبش غير نفسي وامي وأبويا الله يرحمه اللي مش هسمح لحد ياخد مكانه زي ما انت قولت
انا جاحدة. انا ما استهلش حبك. انا عدوتك
نور / بتقولي هتعيشي علشان نفسك ما انا نفسك و روحك. وانتي مش عدوتي انتي سمايا
سمايا الصافية اللي مخلوقة علشاني انا وبس وبتظلل عليا انا وبس
سما / غلطان
نفسي. هي بنتي. مش حد غيرها
وسماك الصافية
اتحولت ومابقتش صافيه وظلها مابقاش عشانك والحياة بينا انتهت
( نور قرب عليها ومسكها جامد من دراعها )
نور بصوت عالي/ بقى انا بقالي شهر تحت رجليكي وبتذل ليكي تسامحيني وانتي أول ماتنطقي تقولي طلقني
الطلاق ده تنسيه خالص. انا لو كنت عايز اطلقك كنت عملتها لما عرفت باللي انتي عملتيه مع ابويا. أو كنت طلقتك لما طفشتي وكنت بلف وادور عليكي في كل حتة. وفي الاخر لقيتك في ملجأ أيتام
اسمعي كلمة طلاق دي تنسيها واعملي حسابك حياتنا هترجع زي الأول رضاكي أو غصب عنك. وهنرجع نعيش بشكل طبيعي ومن الليلة يا سما هترجعي تنامي في حضني. لأنك مراتي وهتفضلي مراتي لآخر يوم في حياتك وحياتي. وخلص الكلام