( سما ولا كأنها سمعاه مابتعملش أي رد فعل. وهو قام علشان ينزل لأنه عارف انها مش هترد بسبب مرضها ومش هتبصله بسبب حزنها ومش هتسامحه بسبب جرحها )
نور فتح باب الأوضة علشان يخرج لكن قبل ما يخرج سمع صوت سما
سما بجمود / أنا عايزة اتطلق
نور رجع بسرعة ومسكها بأيده وهو مبسوط جدا.
هو مركزش هي قالت ايه علشان فرحته بسماع صوتها
نور بلهفة/ حبيبتي انتي اتكلمتي. صح انا سمعت صوتك. سمعت صوتك اللي كان واحشني
( وضمها بشوق )
صوتك وحشني اوى يا سمايا
سما بعدته عنها بقوة / طلقني
نور بحزن من رد فعلها وكلامها / مستحيل. مستحيل
سما / مش هقدر أعيش معاك تاني
نور / وأنا مش هقدر أعيش من غيرك
سما / لا انت قدرت وقدرت وقدرت
انت قادر تعمل اي حاجة وكل حاجة ممكن تجرحني وتكسر قلبي
نور / سامحيني يا سما. سامحيني علشان خاطر بنتنا
سما / انا هطلق علشان خاطر بنتنا.
نور / سما اللي انتي بتفكري فيه دا غلط ومستحيل يحصل تعالي ننسى كل حاجة ونبدأ مع بعض من جديد في صفحة بيضة
سما بجمود / مابقاش في صفحات ابدئها معاك. كلها اتقطعت و وصلنا للنهاية
طلقني
نور بصوت عالي / لاء سامعة يا سما لااااااء وياريت تنسي الكلمة دي خالص. وقبل ماتنطقيها تاني فكري في بنتك
سما / ما انا قولتلك انا هعمل كدة علشانها
لما أطلق هعيش انا وهي حياة هادية هعيش عشانها وبس.
لما تعيش مع أم مطلقة.لكن بتسعدها. أحسن ماتعيش مع أم بائسة ميتة مافيهاش روح. مجرد تحفة خاصة لأب مش عايش معاها و زوجة اب تقسى عليها وأمها ماتقدرش تدافع عنها لأنها باختصار ملهاش وجود