سيلين/ ناقص رامي. مش عارفة اتأخر ليه
أسر / اتصلي بيه كدة يمكن مش جاي
وبعد ما اتصلت بيه
سيلين / جاي اهوه بس على ما فات على نها وجابها
شوية ودخل رامي ومعاه نها وأول ما فتحوا الباب وشافوا اللوحة
رامي استوعب بسرعة / اعاااااااااااااا. بقيت خالو يا بشرررررررر.
وجري على سيلين حضنها. وأسر واقف هيولع منه دا هو اتحمل أخواتها بالعافيه ييجي هو كمان
أسر / حاسب يا ابني عليها
أحمد بغلاسة / وبعدين مين قالك أنك هتبقى خال
رامي / اومال اليافطة دي محطوطة ليه وبعدين انا قلبي كان حاسس اصلا ومستني اليوم ده بفارغ الصبر
نها / حبيبة قلبي يا سيلووووو. مبروك
سيلين / قلب سيلووو الله يبارك فيكي ويبارك في البنوتة اللي وشها حلو علينا يا احلى خالتو في الدنيا
@@@@@@@@@@@@@@@@@@@@
في قصر نور عز
سما قاعدة في أوضتها وبتفكر في كلام سيلين وبتفتكر كلام نور ونظراته وتصرفاته طول الفترة اللي فاتت وظلمه ليها
نور دخل الأوضة علشان يشوفها زي كل يوم
لقاها كالعادة قاعدة على السرير والاوضة ضلمة إلى حدا ما
نور بأبتسامة / عاملة ايه يا حبيبتي دلوقتي
وبرضوه كالعادة هي بتتجاهل وجوده ومابتبصلهوش حتى
نور بتنهيدة./ اسف اتأخرت عليكي النهاردة في الشغل مع اني وعدتك أن طول ما انتي تعبانة مش هغيب عنك ابدا. لأنك أهم من أي شغل يا حبيبتي
مش عايزة برضوه تنزلي النهاردة تتعشي معايا انا ونورسين