أحمد بعدم استيعاب / حامل ازاي يعني. من مين
أسر بضحك على حالة أحمد / يومك مش باينله ملامح. اومال انا بعمل ايه يلاّ
أحمد / لحظة بس لحظة. سيلين. حامل. يعني هي. بطنها انا خال و. سيليييييين
( وجري عليها أحمد حضنها وهما بيضحكوا عليه. ودخل محمد وأحمد بيحصنها وبيصرخ من الفرحة )
محمد قرأ الكلمات اللي على اللوحة ودخل وهو مش فاهم حاجة برضوه
محمد باستغراب / هو في ايه. واحنا جينا هنا ليه
أحمد بفرحة / سيلين حامل يا محمد
محمد وقف يبص لسيلين شوية لحد ما استوعب. والدموع ظهرت في عيونه وقرب من سيلين وحضنها
محمد بفرحة / مبروك يا حبيبة قلبي. مليون مبروك. ربنا يسعد قلبك
سيلين / ربنا مايحرمني منك يا أحن أخ في الدنيا كلها ويخليك ليا دايما يارب ويسعد قلبك ويرزقك بالذرية الصالحة من نورا يارب
( محمد ومراته لسه مش عندهم ولاد. والموضوع مسألة وقت مش اكتر )
محمد بفرحة/ الأول ييجي ابنك بس بالسلامة. هيكون وشه حلو علينا وهنخلف بنت علشان نجوزهاله
سيلين بضحك / بس لسه ماعرفناش نوع البيبي
محمد / انا قلبي حاسس انه هيبقى ولد أن شاء الله
( أسر واقف مبسوط جدا بفرحتهم واحساسهم وحماسهم تجاه المفاجأة. ولكن دايما بيلاحظ أن سيلين بتتعامل مع كل واحد في أخواتها بطريقة مختلفة.)