دخل محمود الأول واتفاجيئ من شكل المطعم وكانت سيلين علقت ورقة كبيرة مكتوب عليها. ( مرحبا خالو ) بمجرد ما يدخلوا المطعم يشوفوها
محمود دخل وهو مش فاهم حاجة
وقرب من سيلين وأسر وبمجرد ماشافهم استوعب الكلمة اللي شافها
محمود بترقب / انا هبقى خال يعني انتي حامل يا سيلين
سيلين بابتسامة/ شوفت بقى انا ابقى حامل. يعني انت تبقى خال. صح
محمود صرخ من الفرحة وحضنها جامد ورفعها من الأرض. وأسر مبسوط جدا ومستغرب لأنه أول مرة يشوف محمود كدة. بالفرحة دي أو المنظر ده
أسر بابتسامة / براحة عليها يا اخ محمود. بنقولك حامل هتخنق الواد في النص
محمود ساب سيلين بس لسه حاضن رأسها / حبيب خالو ماحدش يقدر يخنقه ابدا
الباب اتفتح ودخل أحمد وشاف الكلمة لكن ما اهتمش. أو ماخدش باله اصلا انه الكلام له هو
واستغرب لما شاف سيلين في حضن محمود وأسر واقف
أحمد / ايه يا جماعة في ايه. سيلين انتي كويسة
سيلين بابتسامة/ أيوة يا قلب سيلين. انا كويسة جدا
أحمد / طيب اومال في ايه
أسر وهو بيشاور على اللوحة / اقرأ كدة اللي مكتوب على اللوحة دي
أحمد باستغراب / مرحبا خالو
محمود / لسه مافهمتش يا حمار
أحمد / ايه ده. هي ماما عندها أخ كان مسافر واحنا هنستقبله
سيلين / أحمد أم الغباء ده. انا حامل وانت هتبقى خالو