قرب منها مهاب وخطف أنفاسها في بوسه كانت أبلغ من قُبلة الحياة
وبلمساته الحنونة على جسمها سحبها معاه لعالم العشق من تاني وهي ماقدرتش تعترض أو تنتبه.
هي اصلا تاهت معاه
الشوق لا يقابله إلا الشوق
الحنين لا يقابله إلا الحنين
العشق لا يقابله إلا العشق
وبعد ساعة من العشق
مهاب بيبص لشمس ونظراته كلها توتر وقلق
مهاب / شمس لون وشك بقى أصفر. ردي عليا انا حاسس انك مش طبيعية
شمس بخفوت / حبيبي والله انا كويسة
مهاب بحدة بسيطة وحيرة / كويسة ايه بس. طيب انا اذيتك وجعتك . أنا تعبتك صح
شمس بحنان / يا حبيبي والله ابدا دا أنا أصلا كنت مرهقة من الشغل واليوم كان طويل معايا عادى يعني
مهاب / وماقولتليش ليه انك مرهقة. ليه سيبتيني أقرب منك بالشكل ده وانتي اصلا تعبانة. بس انا اللي غلطان مش انتي. لأني كان مفروض اراعي ا
شمس / مهاب بلاش مبالغة ارجوك والله انا كويسة. بالعكس كلامك ده اللي بيتعبني. أنا هنام ولما اصحا هبقى كويسة جدا
( وفجأة قامت شمس جري وهي بتسحب الروب من جنبها وبتحطه على جسمها وهي داخلة الحمام علشان تستفرغ بسرعة
ومهاب دخل وراها علطول وهو مفزوع )
#############################
في قصر يوسف تاج الدين
وتحديدا في غرفة المكتب
محمود قاعد هو ومحمد وأحمد بيتناقشوا مع سيلين بخصوص الحفلة السنوية
( الاحتفال بيوم عيد ميلاد سيلين العام )