سيلين أول ماشافت سما اتخضت من شكلها اللي عامل زي الباندا. عيونها منفخة من البكاء وتحت عيونها أسود من قلة النوم
سيلين/ ايه اللي انتي عملاه في نفسك ده
سما بدموع/ ممكن تقعدي وتسمعي مني كل حاجة.
( وقعدت سيلين و نها وبدأت سما تحكي كل حاجة حصلت بينها وبين نور ابتداء من حب أبوه لأمها ومشكلة الصعيد وهروبها و طلب أبوه انه يتجوز أمها اللي كان مجرد اقتراح مش اكتر وسبب رفضها اللي كان علشان نور. انه ممكن يتخيل أن أمها هتاخد مكان أمه. وكلام عمته بعد موت أبوه وتصرفات نور بعدها اللي اتحولت 180 درجة
وزيارة عمته من شهر واقتراحها انه يتجوز بنت خاله وكلامهم و صدمتها ومحاولاته انه يقرب منها طول الشهر اللي تعبت فيه وكمان كلامه بالليل وقربه ليها بالاجبار )
سما بدموع / لما قال كدة ماقدرتش اتحمل انا كنت بتكلم مع عمته وأنا كلي ثقة انه مستحيل يعمل كدة لكن هو صدمني برد فعله
انا استحملت كل تصرفاته ومعاملته ليا. لأني كنت متأكدة انه هيرجع ليا في الاخر
وأنه مستحيل يلمس واحدة غيري
( وأخيرا حد قرر ينطق منهم ويقاطع كلام سما وبكائها )
نها / لا يا سما انتي مش ده بس اللي خلاكي ساكتة. انتي سكتتي علشان كنتي مستمتعة بدور الضحية
سما / انا عمري ماحسيت اني ضحية