سما / ماشي بس ماتتأخريش انا منتظراكي لأني حاسة اني بتخنق ومحتاجة اتكلم معاكي اوي
سيلين/ اهدي بس شوية انا خلاص أقل من نص ساعة وهكون عندك
( سيلين اخدت نها و ركبوا العربية بدون ماتغير هدومها وباللبس الرياضي وطلبت من السواق يروح على قصر نور عز. اللي تقريبا قريب منهم. )
نها بأستغراب/ هو في ايه واحنا رايحين فين
سيلين/ فاكرة سما اللي عرفتك عليها في الحفلة. بتاعتي
نها / البنت القمر ام عيون ملونة دي وشكلها غريب
سيلين / لا دي شمس أم سما التانية اللي عيونها عسلي
نها / طيب وهو في ايه. حصل حاجة يعني
سيلين/ عندها مشكلة ومحتاجة لوجودنا جنبها وخاصة انتي يا نها.
@@@@@@@@@@@@@@@@@@@@
سما بعد ماقفلت مع سيلين قعدت على سرير بنتها ومسحت دموعها وبتحاول تتماسك
شمس / سما ممكن اعرف في ايه. هو حصل حاجة بعد ما انا مشيت امبارح
سما / شمس ممكن تصبري شوية وأنا هحكي كل حاجة.
شمس / حاضر يا حبيبتي بس انتي بطلي عياط وأن شاء الله كل حاجة هتبقى كويسة
******************
بعد شوية وصلت سيلين ادام بوابة القصر واتصلت ب سما. رسما اتصلت بحراسة البوابة علشان يسمحولها تدخل
وسمحوا للعربية اللي فيها سيلين ونها تدخل لكن عربية الحرس وقفت برة
وفاء كانت منتظرة سيلين ونها على باب القصر الداخلي وطلعت معاهم وصلتهم لاوضة نورسين