شمس / عاملة ايه النهاردة يا قلبي
سما بخفوت / الحمد لله
شمس / ايه دا مالك يا سما. انتي عينك عاملة كدة ليه. انتي كنتي بتعيطي
سما / انتي معاكي رقم سيلين تاج الدين
شمس باستغراب / وانتي عايزاه ليه
سما / ردي عليا معاكى ولا لاء
شمس / ايوة اتبادلنا الارقام امبارح واحنا جايينلك
سما بدموع/ طيب اتصلي بيها دلوقتي انا عايزاها
شمس استغربت لكن نفذت طلبها لأنها مش في حالة طبيعية
********************
سيلين كانت لسه قاعدة هي ونها في الجنينة بيتكلموا
تليفونها رن وشافت رقم شمس اللي لسه مسجلاه امبارح ردت عليها
شمس / سلام عليكم
سيلين/ وعليكم السلام ورحمة الله وبركاته
شمس / ازيك يا سيلين عاملة ايه
سيلين/ الحمد لله يا حبيبتي. انتي عاملة ايه النهاردة رسما عاملة ايه
شمس بتردد/ انا الحمد لله كويسة. بصراحة انا. أصل
سيلين بجدية/ اتكلمي بدون تردد يا شمس انا سمعاكي
شمس / سما معايا اهي وعايزة تكلمك
( سما اخدت التليفون من شمس وكلمتها )
سيلين / سلام عليكم ازيك يا سما عاملة ايه دلوقتي
سما بصوت باكي / انا محتاجة اتكلم معاكي ارجوكي تعالي
سيلين/ من غير ما ترجوني يا سما. انا هجيلك حالاً بس ممكن تهدي وأنا جاية بس مش لوحدي معايا نها صاحبتي الدكتورة نها اللي انتوا شوفتوها معايا في الحفلة