أسر / طيب يا حبيبتي انزلي وأنا نص ساعة وهحصلك علطول
( ونزلت سيلين وهي لابسة ترينج رياضي لأنها قررت هتاخد أسبوعين إجازة من الشركة وهتتابع الشغل من البيت على اللاب توب بتاعها لحد ما الحمل يكمل شهرين وطبعا أسر بقى مبسوط جدا علشان قرارها ده واخواتها كمان ايدوها فيه علشان صحتها وصحة الجنين )
نزلت سيلين ولقيت سناء قاعدة مع صافي و رانيا بيتكلموا
قعدت معاهم وشوية والعيلة كلها بقت موجودة تقريبا حواليها. وبيهتموا بيها
ونها كمان جت تقضي معاها اليوم و فارس هيبقى ييجي يتعشا معاهم ويمشوا
أسر نزل وشاف سيلين قاعدة وسط أفراد العيلة كلهم. والفرحة في عينيها وابتسامتها جميلة. عقله اتخطف كأنه أول مرة يشوفها بتبتسم
أسر بابتسامة/ صباح الخير
الكل / صباح النور
وقعدوا فطروا وسط جو من المرح والضحك الدائم وبعد كدة كل واحد راح شغله والبنات راحوا الجامعة
وسيلين خرجت هي ونها يقعدوا في الجنينة
نها / ماتعرفيش انا مبسوطة علشانك اد ايه
سيلين/ لا طبعا عارفة ومتأكدة كمان لأن الفرحة باينة في عينيكي اوى يا نها ربنا يخليكي ليا يارب
نها / ويخليكي ليا يا احلي صديقة في الدنيا
@@@@@@@@@@@@@@@@@@@@@
سما طول الليل سهرانة وماقدرتش تنام ابدا
اخدت بنتها في حضنها وطبطبت عليها لحد مانامت لكن هي عيونها رفضوا يستسلموا للنوم
والصبح جهزت بنتها للمدرسة وقعدت برضوه في أوضة بنتها وماخرجتش منها خالص
لحد ما شمس وصلت و وفاء بلغتها بوصولها فطلبت منها تطلب منها أنها تطلعلها