سما بدموع محبوسة في عيونها / حبيبتي الكلام ده مش صحيح. ماتصدقيش أي حاجة تسمعيها بابا بيحبك اوى وانتي عنده بمليون ولد
وبعد كدة لما تسمعي إي حاجة زي كدة تيجي وتحكيلي علشان اقولك إذا كانت صح ولا غلط
نورسين / بس حضرتك قولتيلي قبل كدة لما اسمع حاجة مش اقولك علشان حرام
سما / حبيبة ماما. لما تكون الحاجة دي خاصة بيكي انتي لازم تحكيلي وماتصدقيش كلام الخدم
نورسين بدموع / ماكنتش هعرف احكيلك حاجة يا ماما لأنك كنتي تعبانة ومش بتتكلمي وعلطول زعلانة وأنا مش بحب اشوفك زعلانة
( سما حضنت بنتها جامد جدا وحست أن كلامها زي السهام المسمومة في قلبها )
@@@@@@@@@@@@@@@@@@@@@
صباحاً
في قصر عادل تاج الدين
وتحديدا في جناح أسر وسيلين الخاص
أسر وهو بيبوس بطن سيلين / صباح الخير على أغلى اتنين في حياتي
سيلين بابتسامة/ صباح النور يا حبيبي
أسر / انتي صاحية من بدري ولا ايه
سيلين/ لاء من شوية يدوبك اخدت شور. ولبست هدومي وقولت اصحيك علشان ميعاد الفطار وأنا جهزتلك الحمام
أسر / طب ليه تتعبي نفسك انا مش قولتلك ترتاحي خالص وماتعمليش أي مجهود
سيلين بضحك / وايه المجهود في تحضير الحمام يا أسر ماتبالغش بقى ويلا قوم جهز نفسك وأنا هسبقك على تحت علشان ماما سناء مستنياني من بدري