وسما بصتله بتحدي وقوة بتحاول تتظاهر بيها. وهو ماانتظرش ردها وخرج فورا
أما هي بعد خروجه علطول راحت على أوضة بنتها
ودخلت لقيت نورسين نايمة على السرير ودافنه وشها في المخدة وبتبكي بحرقة
سما بلهفة / حبيبة مامي
نورسين اول ما سمعت صوتها رفعت وشها رسما حضنتها
نورسين ببكاء / بابي مابقاش بيحبني يا مامي. بابي بيكرهني ومش عايزني
سما/ لا يا حبيبتي بابا بيحبك هو بس كان متعصب وغصب عنه اتعصب عليكي
نورسين / لا يا مامي. بابي خلاص مابقاش عايزني. وعايز يبقى عنده ولد غيري
سما بتفاجيئ / نورسين ايه اللي بتقوليه دا. ومين قالك الكلام ده
نورسين / انا سمعتهم يا مامي سمعت كل حاجة وعارفة أن السبب في أنك ماتتكلميش بابي وتيتة صفية
سما / انتي سمعتي ايه يا نورسين
نورسين/ قبل ما انتي ترجعي وانتي مابتتكلميش وكنتي في المستشفى
سمعت بابا بيتكلم مع تيتة صفية بصوت عالي وهي زعئت معاه وبعدها مشيت خالص
وأنا سمعت وفاء بتتكلم مع دادة سعاد في المطبخ وبيقولوا أنك تعبتي بسببهم وأن بابا قهرك وعايز يتجوز واحدة تانية علشان تخلف ولد
( سما انصدمت من كلام بنتها وأنها عرفت كل حاجة و سكتت لدقايق مروا عليها سنين.
مش عارفة ترد على بنتها تقول ايه. وتواجهها ازاي )