نورسين بفرحة / بجد يا مامي يعني ينفع انام معاكي هنا في حضنك كل يوم علطول
( نور واقف بيتفرج عليهم وكان هيرد عليها لكن سما اخدتها في حضنها وردت عليها )
سما بابتسامة لفرحة بنتها / أيوة يا حبيبة مامي ينفع طبعا انا و حياتي و حضني ملكك انتي
نور بحدة وعصبية / نورسين قومي روحي نامي في أوضتك يلا
نورسين اتخضت من صوته وقامت بسرعة من حضن سما
نور بصوت عالي / مش عايز اسمع انك نمتي برة أوضتك تاني مفهوووووووم
نورسين بخفوت حزين / مفهوم يا بابي.
( وخرجت جري راحت على اوضتها )
نور / ممكن اعرف ايه الكلام اللي انتي بتقوليه للبنت ده
سما بصوت عالي/ ممكن تقولي ازاي تتعامل مع بنتي بالطريقة دي.
نور بحدة / وطي صوتك وانتي بتكلميني يا سما ماتخلنيش أتحول عليكي
سما بأنفعال شديد / اطلع برة يا نور. اطلع بررررررة.
نور / سما اهدي. بلاش تنفعلي كدة لأنه غلط عليكي
سما / بقولك اطلع برة انا مش عايزة اشوفك ولا اسمع صوتك ولا اتكلم معاك مش عايزاك في حياتي خالص لا انا ولا بنتي
نور قرب لها وأتكلم ببرود ظاهري / انا هسيبك النهاردة يا سما. وهسكت عن كل الكلام اللي سمعته منك
لكن اعملي حسابك بكرة.
بكرة يا سما تكوني نسيتي كل الكلام ده وتنقلي كل حاجاتي الخاصة من الأوضة اللي تحت للأوضة. اوضتنا سوا. فاااااهمه