نور بخفوت وهمس / انا مستحيل أكرهك. انا بموووووت فيكي
بُعدي عنك كان غصب عني. انا ما بموت فى كل لحظة بعيد عنك
تعرفي اني كنت بفضل طول اليوم برة علشان ما اضعفش ادامك
علشان شوقي ليكي مايفضحنيش
كنت ببصلك نظرات عدائية علشان اداري نظرات الاشتياق
كنت زعلان منك وزعلان اوى اوى لكن عُمر ماحبي ليكي نقص بالعكس دا بيزيد
بتجرحيني وبتأذيني لكن مستحيل أقدر أكرهك أو اشيل حبك من قلبي
سما بدموع/ ماحدش بيحب حد بيوجعه
نور / بس انتي وجعتيني وكان لازم اوجعك علشان تح
( وقاطع كلامه خبط على الباب )
نورسين / ماما ممكن ادخل
سما بسرعة / استني يا نورسين
وفي لحظة كان نور قام من عليها
وبعد ما عدل من هدومه ونفسه كانت سما بتحاول تكون طبيعية علشان بنتها
نور فتح الباب لنورسين و دخلت
نورسين / بابا حضرتك هنا
نور / أيوة يا حبيبتي
سما / ادخلي يا نورسين
نورسين / جيت علشان أنام مع حضرتك. زي كل يوم. انا خلصت الهوم ورك ( واجب منزلي ) بتاعي
نور / حبيبتي مش احنا كبرنا على الكلام ده وقولتلك قبل كدة انك لازم تنامي في أوضتك وماينفعش تنامي معانا
سما بحنان لبنتها / تعالي يا نورسين
نورسين / هو بابا هينام هنا مع حضرتك زي الأول خلاص انا هروح ا
قاطعتها سما / لاء يا حبيبتي بابا هيروح ينام في اوضته وانتي لو عايزة تنامي هنا معايا. مافيش مشكلة يا روحي