سيلين بجدية/ هي بنتك بتيجي من المدرسة الساعة كام
سما / بتيجي الساعة 2 يعني ادامها ساعةو تيجي
سيلين/ طيب روحي جهزي شنطتك وهدومك وكل احتياجاتك
نها / انتي هتعملي ايه يا سيلين
سيلين ببساطة / همشيها من هنا طلاما مش حاسة بالأمان هنا يبقى خلاص خلصت روحي جهزي نفسك بسرعة وتعالي جهزي حاجة بنتك واطمني. انا مش هسيبك
سما خرجت بسرعة وكأن كلام سيلين نجدة ليها
شمس / انا اسفة بس اللي انتي عايزة تعمليه دا غلط و نور مش هيسكت
سيلين / أعلى ما في خيله يركبه
نها / بس دا غلط يا سيلين احنا مفروض نصلح بينهم مش نخربها خالص ونخليهم يتطلقوا
سيلين/ ومين قالك انى هخليهم يتطلقوا
شمس / اومال هتعملي ايه
سيلين/ هعلمهم هما الاتنين معنى العشق وهديهم دروس في الحياة
شمس / انا مش فاهمه حاجة
سيلين/ مش لازم تفهموا اتفرجوا وبس
نها / ربنا يسترها من دماغك دي
( نورسين جت من المدرسة وكانت سما جهزت كل حاجة وهما ساعدوها وبعدها ركبت معاهم هي و شمس عربية سيلين و خرجوا من القصر وطبعا الحرس ما اخدوش بالهم من خروج سما نورسين معاهم علشان يبلغوا نور
سيلين كانت هتاخد سما الفيلا بتاعتها الموجودة في الكمبوند لكن سما رفضت وطلبت منها توصلها شقة ابوها القديمة
وفعلا راحوا الشقة لكن نزلوا شمس في مكان بعيد عن الشقة جدا علشان الحراسة الخاصة بيها اللي معاهم وراحوا هما الشقة وكانت محتاجة تنضيف كتير لأنها مقفولة من سنين طويلة مع أن سما كانت بتعملها نظافة دورية كل كام شهر )