نها / ماحستيش. لكن انتي كأنك كنتي بتعوضي هروبك منه زمان بأنك تتحمليه دلوقتي حتى لو ظلمك أو هانك وجرحك
ببساطة انتي اخترتي الهروب زي قبل كدة. لكن المرة دي اخترتي هروب بطريقة مختلفة بأنك تسكتي وماتواجهيش
سما / انا حاولت كتير اواجهه وأتكلم معاه و
قاطعتها نها باندفاع / حاولتي لكن محاولات فاشلة. حاولتي بضعف
أيوة انتي ضعيفة استسلمتي
الغلط عندك انتي من البداية
كان لازم ترفضي عقابه ليكي وماتقبليش أنك تتعاقبي على حاجة ماعملتيهاش أو تتعاقبي على مجرد سوء تفاهم مش اكتر
كان لازم تاخدي موقف.
يا اما يسمعك يا أما تنسحبي من حياته وتبعدي لحد ماهو يبقى عنده استعداد يسمعك
مش تقبلي على أنه يعاملك بالمعاملة دي و
قاطعتها سيلين بحزم / نها خلاص هي فهمت وجهة نظرك
سما / انا اتحملت علشان بحبه يمكن كلامك صح. انا لسه حاسة بالذنب على هروبي منه وعذابه زمان علشان كدة استحملت. لكن برضوه انا استحملت لأني ماقدرش أعيش من غيره
سيلين/ وهو انتي كدة يعني عايشة
سما / انا تعبت وعايزة امشي من هنا مش قادرة أعيش هنا تاني ومش هقدر اكون معاه في مكان واحد.
وعايزة امشي من هنا لكن خايفة منه
سيلين/ ليه خايفة منه هو انتي حاسة انه ممكن يأذيكي
سما / مش هيأذيني جسديا لكن لكن انا خايفة وكمان لو روحت عند أنس وماما مش هيسكت وهيخرب بيت أنس وهياخد مني بنتي