رواية ملك الاقتصاد والقط الاسود الفصل الثامن عشر 18 بقلم شيماء طارق
الفصل الثامن عشر. من (ملك الاقتصاد والقط الاسود)
سارت الايام كما هي ولكن الجديد هو وجود تالا في وسط عائلتها وأيضا هدير التي أخذها عامر معه الي المنزل بعد ان تحدث مع مديره الدار وقد زحبت بها تقي وسهير أيضا واعتبرتها سهير كإبنتها وعامر يعتبرها أختا له……
تالا قضت الايام في وسط جو عائلي مع لمسات من مرح روما التي كانت تشاغب وتفعل ما يمنعه آسر ثم يقوم بمعاقبتها….
مر اسبوع علي ما يرام بدون حدوث شئ جديد …….
=بعد الغياب والهروب يعود ويظهر من جديد هل هذا لعدم وجود الدليل الكافي ام هذا لانه لايوجد حكومه مسئوله يعتمد عليه
قبل خروج الاذن بالقبض عليه يعلم ويذهب الي المطار والغريب ان جميع الطرق كانت متاحه له لمساعدته في هروبه وسفره خارج البلاد
هل هذا تقصير من احد المسئولين ام هذا ما يسمي بالتزوير والنفاق وعدم اتمام العمل علي اكمل وجهه
نترك كل هذا ونذهب الي انه دلف الي البلاد مره أخري والاغرب هذه المره انه لم يتم القبض عليه رغم صدور قرار بالقبض عليه هل هذا لانه وزير سابق ام انه مازال وزير رغم كل الشبهات والادله التي تثبت تورطه في الكثير من الاعمال غير المشروعه
هذه بعض الدلائل التي تثبت تورطه في هذه الاعمال واننا لم نرمي التهم عليهم بالزور فكل شئ بالحقائق والدليل القاطع ولكن مع وجود مثل المسئولين لدينا يستطيع اي شخص الهروب لاي مكان
…..كان يوجد بعض الصور التي يوجد بها صابر الدمنهوري وهو يأخذ مخدرات ويعطي فلوس للناس الاخري وصوره اخري وبجواره العديد من الاطفال ويقوم بتسليمهم للاخرين وصور اخري وهو يتفحص قطع من السلاح وصور اخري وهو يقف وبجواره اشخاص امام احدي المستشفيات وهو يأخذ بعض الصناديق والتي بعد ان فتحها وجد بها اعضاء بشريه……..
= الان وبعد هذه الصور التي تثبت تورط الوزير السابق وانا اتعامل علي انه سابق وليس كما تقول المسئولين انه مازال في منصبه الي ان تثبت التهم المنسوبه اليه ولكن بهذه الادله والوثائق لا استطيع ان اعتبره من الوزراء فهو خائن للبلد
= صابر الدمنهوري وزير سابق قام بالكثير من الاعمال الغير مشروعه منها… تجاره الاعضاء وتجاره المخدرات والسلاح وايضا تجاره الاطفال… يعمل تحت يديه الكثير من المتسولين ويقوم بتوزيع جزء من بضاعته علي الشباب ليتعاطو هذه السموم وأيضا يقومو بخطف الاطفال وتجهيزهم للعمل معهم…..
تتركه الحكومه هاربا ولا تقوم حتي بالبحث عنه
من المستفاد بهروبه هذا ومن الذي يعمل معه… كان امامنا ممدوح الشامي وابراهيم الناجي في قضيه مثل هذه هل هو متورط معهم ام كما قالت الجهات المسئوله ان كل هذا كان من تخطيط ممدوح الشامي وابراهيم الناجي للايقاع ب صابر الدمنهوري واين هو صابر الدمنهوري ولماذا اختفي حتي بعد ان ثبتت التهم علي ابراهيم الناجي وممدوح الشامي….
#اختفاء صابر الدمنهوري رغم برائته من قبل الجهات المسئوله هل هذه صدفه ام انه قرر الابتعاد ليرتاح بعض الوقت………
=انتظرو الكثير والخبايا حول هذه القضيه…..
بقلم القط الاسود
**************
يغلق الجريده وتظهر ابتسامته فتنظر له تلك القابعه امامه وتقول
روما : بتبقي مبتسم قوي.وانت بتقراء المصايب
آسر وهو ينظر لها : وليه متقوليش وانا بقرأ مقالاتك ببتسم
ابتسمت روما بخجل ثم ارادت تغير الحديث : اي رائيك
آسر : لو كنت متوقع اي تقصير منك مكنتش وكلتك بالمهمه ديه
روما : طيب لما انت كان معاك صور ودليل كدا مبلغتش عنه ليه
آسر : وهو مين بلغ عنه هو الشامي والناجي
روما : بس انت كنت عارف انه هيهرب
آسر بغموض :وكويس انه هرب
روما : آسر انت مخبي ايه
آسر : متشغليش بالك انتي وروحي كليتك
روما : انت بتخبي عني يا آسر
آسر : في الوقت المناسب هقولك يلا عشان متتأخريش والسواق مستنيكي
روما : سواق ليه انا هركب الباص
نظر لها آسر بغضب فإبتلعت ريقها بخوف ثم اكملت : اصلا الباص معاده فات فا انا هروح مع السواق….ثم غادرت مسرعه فأبتسم هو علي خوفها منه ولكنه تفاجأ برجوعها واقتحامها للمكتب بسرعه
روما بسرعه : علي فكره انا مخوفتش منك انا بس بحترمك… ثم غادرت من امامه بسرعه فنظر هو الي مكان وقوفها والي مغادرتها ثم ضحك بصوت عالي ولاول مره تظهر ضحكات آسر بهذا الشكل بعد وفاه والديه……. دلفت تالا اليه
تالا : ممكن ادخل يا ابيه
آسر : تعالي يا توتا
تالا بتوتر : انا.. انا يعني..
آسر بملل : هاتي من الاخر
تالا بسرعه : عايزهاروحعندهديرصحبتي
آسر بغضب : بتقولي ايه وضحي كلامك
تالا وهي تبلع ريقها : عايزه اروح عند هدير صحبتي
آسر : وهي متجيش ليه
تالا : عامر رافض
آسر : وانا الي هوافق….. وعامر رافض ليه
تالا : هو مش رافض بمعني الرفض هو بيقولها لما يبقي فاضي وهو مبيبقاش فاضي
آسر : ومقولتيش لحسام ليه
تالا : عشان انت ديما المسئول عن خروجي من البيت ولا نسيت
آسر : لا منسيتش ومفيش خروج…. كادت ان تعترض ولكن اشار لها بيديه لتسكت…… هكلم عامر يجيبها ولو مش فاضي هبعتلها السواق
تالا بإبتسامه : ربنا يخليك ليا يارب
آسر وهو ينظر الي الاوراق امامه : يارب
لاحظ آسر عدم خروجها فنظر اليها ووجدها حائره ويظهر علي ملامحها التوتر…
آسر : قولي الي انتي عايزاه
تالا : مش هتزعل مني وتزعقلي
آسر : هاتي من الاخر
ابتلعت تالا ريقها : انت.. انت هتعمل ايه مع مشرفه الميتم
نظر لها بحده فلعنت نفسها في سرها
آسر : وانتي مالك
تالا : انا.. انا ككك كنت بقول يعني انك..
آسر : كملي
تالا : سامحها يا آسر
آسر : اخرجي من قدامي دلوقتي. …
نفذت طلبه علي الفور فمن هي حتي تقف امامه بعد ان اظهرت غضبه
آسر : هتفضل طول عمرها هبله كدا….
…….. ….اجري اتصال…
آسر : انت فين
حسام : عند أحمد زي ما انت طلبت
آسر : تمام خليك هناك انا هاجي حالا.. ثم اغلق الخط وتنهد… هااانت يا دمنهوري .هانت وجه وقت الحساب
********************************
يلقي بالجريده علي الارض ويقوم بتكسير ما حوله وهو يصرخ بغضب ويحطم كل ما يقابله وتطوله يديه… يدلف اليه مسرعا بهد ان استمع الي اسمه
حازم : تحت امرك يا باشا
صابر : عايز اعرف كل حاجه عن القط الاسود وازاي معاه دليل ضدي وازاي وصل للصور ديه
حازم : حاضر يا باشا
صابر : معاك يوم يا حازم يوم واحد وتكون كل حاجه تخص القط الاسود عندي
حازم : حاضر….
………يخرج حازم ويجري اتصال بأحدهم..
حازم في الهاتف : الوو. …..ايوه…… من ساعه اما قراء الجريده وهو بيكسر في كل حاجه حواليه…….. عايز يعرف كل حاجه عن القط الاسود في خلال يوم……….. اعرفه………. حاضر هقوله مين القط الاسود بكره……… لا مش هغلط وهتابع مع سعاتك….. تمام……. وهبه يا فندم…….. هتسافر خلاص…….. تمام.. ..سلام
حازم بتنهيده بعد ان اغلق الهاتف : كدا انا قربت من انتقامي وهبقي كلها يومين وتبعد عن هنا وصابر نهايته بتقرب…
**********************************
فهمتي هتعملي ايه………. هتف بها مازن وهو يخبر هايدي ما عليها فعله
هايدي : بس دي مش مخاطره كبيره قوي
مازن : وانتي لما خرجتيني من السجن مكانتش مخاطره
هايدي : ايوه بس انت دلوقتي ميت في نظر الكل انما انت عايزني اخطف واحده والعب مع آسر الرفاعي انت بتهزر
مازن : وانتي مش عايزه تأخدي حق ابوكي
هايدي : اخده بس رانا مش ظاهره انا لو عملت فيها حاجه آسر مش هيرحمني
مازن : متخفيش انا في ظهرك
هايدي : انت كدا بتفتح نار آسر والمره ديه فيها موت علي طول
مازن : محدش هيموت الا آسر وخصوصا لما يعرف ان روحه في ايدي
هايدي : انا مش متخيله ان آسر بيحب
مازن : لا تخيلي كل شئ ممكن
هايدي : طيب انا هقول للرجاله تجهز
مازن وهو يغمز لها : قوليلهم وتعاليلي تاني …
********************************
في شركه الشناوي……….. في مكتب أحمد الشناوي..
احمد : ايه يابني قالك ايه
حسام : بيقولي جاي اهو بس معرفش هو مجمعنا ليه.
أحمد : ربنا يستر انا مبتفائلش لما آسر يجمعنا
حسام : ولا انا…
رن هاتف أحمد معلنا عن اتصال من زوجته….
أحمد : روان حبيبتي……. لا انا هتأخر شويه في الشركه…….. تمام…….. ماشي روحي انتي وكريم وانا هجيلكو علي النادي….. تمام ياحببتي مع السلامه ……
حسام بسخريه : تمام ياحببتي مع السلامه
أحمد وهو يلقي عليه بعض الاقلام من علي المكتب : اتلم يابني بقي هنبقي نشوف لما تتجوز هتعمل ايه
حسام : هعمل ايه يعني
أحمد : انت مش ناوي تتجوز
تذكر حسام نهي وابتسم فإبتسم له أحمد وقال
أحمد : بعد الابتسامه ديه اكيد في واحده شغلت تفكير حسام الرفاعي
حسام : معرفش امتي وليه هي بالذات بس بفرح لما بشوفها قدامي وبيبقي نفسي احضنها واخبيها عن عيون الكل هي مش جميله قوي بس روحه. حلوه شدتني ليها من اول اما شوفتها و……………
انتفض من مكانه عند استماع صوته وكاد السقوط من علي الكرسي ولاكنه استعاد توازنه من جديد
آسر بقوه : هي مين ديه
حسام وهو يقف في مكانه : حرام عليك فصلتني روح يا شيخ اللهي تلاقي الي يفصلك كدا بس تصدق حلال فيك روما…….
نظر له آسر بغضب فجلس حسام في مكانه مسرعا.. كان يتابعهم أحمد وهو يضحك بشده
حسام : عجبك العرض
أحمد بضحك : جدا
آسر : فين كريم وروان
توقف أحمد عن الضحك ونظر الي آسر بإستفهام بينما دهش حسام من هذا السؤال
أحمد : مين
آسر : فين مراتك وابنك يا أحمد
أحمد : في النادي
آسر وهو يقف في مكانه : انت اتجننت انا مش قولتلك صابر الدمنهوري في مصر اتصل بمراتك خليها تروح هي وابنك حالا
انتفض أحمد هو الاخر بقلق وكاد ان يجري اتصال بزوجته ولكن وجد هاتفه يعلن عن اتصال منها….
أحمد : الو روان……. ولكنه توقف عن الحديث عند استماعه لنبرتها الباكيه
روان ببكاء : أحمد كريم اتخطف يا أحمد…….
نظر له حسام وآسر بإستفهام ولكنه سقط علي الكرسي بإهمال وسقط منه الهاتف
حسام : أحمد مالك فيه إيه
نطر له أحمد ثم الي آسر : كريم
آسر : ماله
أحمد : كريم اتخطف
*****************************
اي دا الهانم روما اتعاطفت واتنزلت وقالت تيجي الكليه………. هتفت بها نهي بسخريه وهي تجلس بجوار روما
روما : اقعدي هي مش ناقصاكي
نهي : بتصل بيكي بقالي اسبوع مش معبراني وباباكي قالي انك عند خالتك وبعد كدا معرفش حاجه عنك
روما : يووووووه دا حصل كتير
نهي : طيب احكي
اخذت روما تحكي لها ما مرو به وعن رجوع تالا لهم بعد ان عادت لها ذاكرتها
نهي : دا كلو وانا معرفش
روما : كنا في ايه ولا في ايه بس الحمد لله
نهي :ايه موض‘ع المقال بتاعك دا
روما : انتي قريتيه
نهي : لا بس الكليه هنا بيتكلمو عن مقال القط الاسود
روما : عن صابر الدمنهوري
نهي : انتي يابنتي مش هتسكتي الا لما يموتك
روما : لا مش هسكت الا لما هو يموت وبعدين آسر معايا ومقويني
نهي : آسر
روما : ايوه هو الي طلب مني ان ارجع اكتب تاني بس لهدف في دماغه وهو طبعا القبض علي صابر الدمنهوري
نهي : سمعت ان آسر هيفتح قضيه قتل ابوه وعمه
روما : هي اتفتحت فعلا وابتدي التحقيقات فيها من جديد وخصوصا بعد ظهور تالا الوضع اختلف
نهي : آسر ناوي علي ايه
روما : معرفش ومحدش يعرف آسر بيفكر ازاي
نهي : ربنا يستر وتعدي الايام دي علي خير
روما : يارب……. ثم وجدت اتصال علي هاتفها…
نهي : مين
روما : آسر
…………..ردت علي الاتصال….
آسر : روما ربع ساعه وتكوني في البيت فاهمه
روما : ليه فيه ايه
آسر : ربع ساعه يا روما بسرعه ومعاكي السواق والحرس……… ثم اغلق الهاتف
ظلت روما تنظر الي الهاتف بصدمه ثم انتفضت واقفه وتلملم اشيائها
نهي : في ايه
روما : معرفش بس آسر صوته مش طبيعي وعايزني ارجع البيت
نهي : طيب هاجي معاكي
روما : اي حاجه بس بسرعه
***********************
آسر : احكيلي حصل ايه بالظبط ياروان
روان ببكاء وهي تحتضن أحمد : كنا نازلين رايحين النادي والسواق نزلنا قدام النادي ومشي يركن العربيه وقفت عربيه قدامي بسرعه خدو كريم وبعدين مشيو………
انا عايزه ابني يا أحمد هاتلي ابني انا مليش غيره ومش هعرف اجيب غيره عايزه ابني يا أحمد
إحمد : اهدي يا حببتي هنجيبه ان شاء الله…. ثم نظر الي آسر الذي بدوره نظر له وطمئنه بعينيه انه سوف يجلب لهم طفلهم….
آسر في سره : وجه.وقت المواجهه دلوقتي