رواية ملاك الاسد الفصل الثاني عشر 12 بقلم اسراء الزغبي – للقراءة المباشرة والتحميل pdf
ترنيم: ياختى اتنيلى هو إنتى مشغولة أساسا .. يارب أتجوز شريف بقى عشان يسيبونى أشتغل براحتى زيك
ياسمين بحرج: هو ممكن أسألك سؤال يا ترنيم
ترنيم باستغراب: ها قولى
ياسمين: إنتى بتحبى شريف بجد؟
ترنيم باستغراب: طبعا يابنتى …… وهى مين الغبية اللى مش تحبه ؟!!! دا كفاية وسامته وشياكته وطيب ودمه عسل يبقى ليه مش أحبه؟!!!
ياسمين: عشان اللى إنتى بتقوليه دا
ترنيم: مش فاهمة
ياسمين بتنهيدة: ساعات بحسك مفتخرة ومعجبة بيه وبس ويمكن كمان يكون إعجابك بوسامته وشياكته زى ما إنتى لسة قايلة أكتر من إعجابك بيه هو نفسه بس حاسة إنك مش بتحبيه لذاته
وبعدين إنتى بقالك كام سنة معاه وعمرى ما حسيت إنك بتغيرى عليه
طب شوفتى لما شريف كان بيمدحنى مازن عمل فيه إيه
دا لإن مازن بيحبنى بجد لكن إنتى كنتى بتضحكى طول ما هو بيمدحنى حتى لما انضرب من مازن جامد كل اللى عملتيه إنك قولتيله تستاهل
إنتى لو بتحبيه بجد كنتى بقيتى ملهوفة عليه وإنتى شايفاه مجروح وبينزل دم
ولا لما واحدة من هنا عاكست مازن أنا هزقتها وكنت هضربها وقتها
دا كله بيدل على الحب الحقيقى