خارج مكتب أسد حيث مكتب ياسمين
ياسمين: ههههههههه إنت عايز حجة وخلاص عشان تبقى معايا
رواية ملاك الاسد الفصل الثاني عشر 12 بقلم اسراء الزغبي – للقراءة المباشرة والتحميل pdf
مازن ببراءة مصطنعة: يعنى أنا غلطان إنى عايز أوصلك لمكتبك…… لاحسن حد يعاكسك فى الطريق
ياسمين ضاحكة: أمال لو مكتبى فى دور تانى بقى … متستعبطش يا مازن دا أنا بين مكتبى ومكتبك هو باب وكام خطوة
مازن بغيظ: تصدقى إنتى ملكيش فى الرومانسية … روحى جاتك داهية تكون فى نفس حلاوتك كده
خرج وهو يتمتم بكلمات غير مفهومة وسط ضحكات ياسمين
فى مكتب شريف
شريف فى الهاتف: مش مصدق والله بينا كام خطوة بس ومضطر أكلمك فون
ترنيم: إنت عارف أسد بيه بيزعق عشان بتشغلنى
شريف: وسامر كمان وحياتك
ترنيم بسرحان: سامر ….. قصدى سامر بيه لسة مجاش …. أنا …. أنا هروح أقعد عند ياسمين على ما ييجى
شريف: طب بصى لما ييجى إبقى اتصلى عرفينى عشان عايزه يمضى على كام حاجة
ترنيم: حاضر …. سلام بقى
فى مكتب ياسمين
ترنيم بمرح: السلام عليكم يا أهل الدار
ياسمين: تعالى ياختى اقعدى
ترنيم بغرور مصطنع: لاقيتك فاضية مش وراكى حاجة قولت أشفق عليكى وأسليكى إحنا عندنا ولايا وبنخاف عليهم بردو