رواية ملاك الاسد الفصل الثامن 8 بقلم اسراء الزغبي – للقراءة المباشرة والتحميل pdf
سامر بحقد: أندم على إيه إنت عارف إن معانا حق … إحنا حقنا أسد واكله علينا
سعيد: بجد …. طيب هو جدك كتب حاجة باسم أسد … لأ مكتبش عارف ده معناه إيه …. إنكم هتورثوا بعدل ربنا…. يعنى إنتم إللى واكلين حقه …. لما هو يشتغل ليل نهار وفى الآخر ياخد ذيك إنت وشريف يبقى أكيد إحنا اللى ظالمينه
سامر بذهول: إزاى إنت قولت إنت وماما إن جدى كاتب معظم أملاكه لأسد
سعيد بحزن: كدبنا عليك ….. وقتها إنت كنت متعلق بأسد وزى الأخوات وبتقف فى وشنا لما بنحاول نضره فمش لاقينا طريقة غير دى وعشان كده كنت بمنعك تكلم جدك عن الورث عشان متعرفش الحقيقة
سامر بحزن: حرام عليك يا بابا اللى عملته فيا ده إزاى تعمل كده إنت دمرتنى وخليت أسد يكرهنى إزاي هيسامحنى بعد اللى عملته فيه
سعيد: صدقنى أسد أصيل وهيسامحك وهو مش ناسى أبدا أيامكم مع بعض لما كنتم صغيرين …. دا حتى هو اللى طلعك من المصيبة اللى كنت هتقع فيها من سنة…. فاكر أما فى واحدة اتبلت عليك إنك اغتصبتها …. هو اللى كشفها ومرضاش يظهر فى الصورة لإنه عارف إنك هترفض مساعدته
سامر بحزن: أنا هروحله الشركة لازم أخليه يسامحنى
خرج مسرعا ليصلح ما كسره والديه
سعيد لسمر: وإنتى يا هانم …. لو متعدلتيش والله يا سمر لأحبسك فى البيت شغل النايت كلاب كل يوم خلاص انتهى السواق هيكون معاكى فى كل حتة وهيقولى على كل خطوة بتمشيها وبتمنى تفوقى لمزاكرتك بقى