رواية ملاك الاسد الفصل التاسع عشر 19 بقلم اسراء الزغبي – للقراءة المباشرة والتحميل pdf
أغلقت الهاتف معه ثم اتجهت لأعمالها
_________________________
فى غرفة حمدى ومنار
حمدى: معاكى فلوس؟
منار بشهقة: نعععم إنت لحقت تخلص فلوسك ولا إيه ….. دول أكتر من خمس تلاف جنيه ….. كله من الهباب اللى بتشمه ده
حمدى بغضب: خلاص جاتك القرف وإنتى ولية خرفانة ….. غورى مش عاوز حاجة
خرج من الغرفة متجها لأسفل ليبحث عن الطعام فهذا كل ما يفعله
منار بقرف: جاتك ستين مصيبة يا شيخ ….. يادى النيلة على حظى الهباب ….. مش كنت اتجوزت راجل زى أسد ….. يلا ملناش نصيب ….. بس نحاول تانى معاه يمكن يرضى
__________________________
شريف بحزن: ترنيم ….. إنتى مش حاسة إننا طولنا فى موضوع الخلفة ده
ترنيم بحزن عليه: معلش يا شريف ….. صدقنى مش هقدر أخلف دلوقتى …. شوية وقت بس
شريف بتنهيدة: ماشى اللى يريحك يا حبيبتى
____________________________
فى غرفة سامر
رحمة بيأس: إنت عمرك ما هتحبنى أبدا يا سامر
سامر باندفاع مبررًا لنفسه قبلها: صدقينى هنساها وهحبك إنتى ….. اصبرى عليا بس ….. وأوعدك لو مش نسيتها هشوف مكان تانى نعيش فيه أنا وإنتى ونكون عيلتنا إحنا بس
رحمة بابتسامة أمل: بجد يا سامر
سامر: أيوة بجد