رواية مغامرات عائليه الفصل الحادي والعشرون 21 الجزء الثاني 2 بقلم أماني السيد
.jpg)
رواية مغامرات عائليه الفصل الحادي والعشرون 21 الجزء الثاني 2
بارت 21
دينا بحماس : هنروح فين ؟
يزن : امشي معايا و هتشوفي
تميم : يزن بلاش جنان مش ناقصين نتعاقب تاني
فارس : تاني ايه ؟ قصدك عاشر … و احنا اتعودنا اهو … مش هنخسر حاجة لو اتعاقبنا على حاجة تستاهل
زياد : فارس اتلم انا فرحي بعد كام يوم مش عايز مشاكل
فارس : حد قالك تعالا معانا ؟!
دينا : خلاص هنروح انا و فارس و حلا معاه نشوف المكان و نرجع على طول
لارا : و انا كمان هاجي معاكم
كارما برجاء : زياد و النبي توافق نروح معاهم بس نشوف ايه المكان ده و بعدين نرجع على طول
حبيبة : انتي اتجننتي ؟ انتي عارفة هتروحو فين اصلا ؟!
كارما : عايزة اخرج و اغير جو .. هموت من قعدة البيت دي .. زياد وافق بلييييز
نظر زياد و غادة لبعضهم البعض
غادة : طب و جدو ؟ افرضو كشفنا و زعل مننا ؟؟
لارا : عادي يا غادة مش اول مرة نتعاقب يعني .. اساسا حتى لو ما عملناش حاجة جدو هيلبسنا مصيبة عشان يعاقبنا و يتسلى بينا
فارس : شايفين العقل .. اختي ذكية يا جماعة
ليلة : طب و هنروح فين ؟!
مصطفى : دلوقتي هتشوفي الجنان الي قولتلك عليه .. احكيلنا يا يزن هتاخدنا لفين ؟!
يزن : مكان غريب كدة .. هحكيلكم حكايته بالطريق
حلا بتحذير : اقسم بالله يالا لو كنت بتعمل الحوار ده عشان تستفرد بالبت دي هعلقك ع النخلة انت و هيا
يزن لحبيبة : كأن اختك ما اتربتش ؟
حبيبة : انتو اكيد اتجننتو .. ازاي عايزين تخرجو بالوقت ده ؟؟
فريدة : عادي عايزين نتسلى شوية .. ايه رأيك يا تميم ؟
تميم : مش عارف .. هو ايه المكان ده يا يزن ؟
يزن : خليها مفاجأة احسن
دينا : يزن اقسم بالله لو ضحكت علينا زي الاتنين دول مش هرحمك .. هتاكل ضرب من الكل و كمان هنقول لجدو و يعاقبك عقوبة vip
يزن : اقسم بالله ما بهزر المكان بجد رهيب و محدش بيروحله ابدا .. مش انتي بتحبي الحاجات دي ؟!
دينا بحماس : اوي .. طب يلا قومو قبل ما الوقت يتأخر اكتر
مصطفى : ليلة مش قولتي عايزة تشوفي مغامراتنا .. الليلة هحققلك الي طلبتيه
ليلة بقلق : بس بيقولك المكان مرعب
مصطفى : ما تخافيش هنروح كلنا مع بعض
حبيبة : و بالنسبة لابنك يا فريدة هانم ؟؟ ايه هترميه عشان هطلك ده ؟
فريدة : ابقي اقعدي بيه انتي يا عاقلة .. اهو تتسلي شوية
حبيبة : ليه هو انا خلفته و نسيته ؟!
تميم : من امته الافترا ده يا حبيبة ؟! ده احنا بنقول عليكي ام قلب ابيض
حبيبة : و لو حد صحي و سأل عليكم هقوله ايييه ؟!
تميم : مين هيصحى بالوقت ده ؟! و ليه يسألو علينا اصلا ؟ .. ما تقلقيش مش هنتأخر و كلعادة لو حد صحي كلمينا على طول
حبيبة : اوس انت هتروح معاهم ؟!
اوس : لا طبعا مش هسيبك لوحدك
دينا : انتي متخلفة على فكرة .. مش بتقولي عايزة تخلصي من الخوف الي عندك ده ؟! تعالي معانا صدقيني هتنسي حاجة اسمها خوف
اوس : انتي اتهبلتي يا بت ؟! تروح فين ؟ دي لسا والدة من كام يوم
فارس : خلاص اقعدو انتو الاتنين و غطو على غيابنا … قومو يا شباب يلا
حبيبة بقلق : فريدة خليكي هنا .. حرام تسيبي اسر لوحده
فريدة : يا حبيبة انا بيتي الصبح اتحرق و نفسيتي زي الزفت محتاجة اخرج عشان اغير المود ده .. مش هتخسري حاجة لو اخدتي بالك منه شوية
حبيبة : يا بنتي افهمي انا مش متاقلة منه بس خايفة عليكي و على المجانين دول
حلا : ما تجمدي يا بت ده انتي بقيتي مامي اوي جاتك القرف
فارس : يلا بينا يا شباب
وقف جميعهم استعدادا للذهاب
دينا : ثانية وحدة … مصطفى تعالا هنا
مصطفى : ايوة ؟
دينا : احلف انك مش هتروح تقول اجدو
مصطفى : قولتلك حرمت .. اقسم بالله ما هقوله
دينا : تمام يلا بينا
تميم : من دلوقتي هحذركم .. الي هيقول لحد على الي هنعمله ده و الله ما هرحمه و هياكل علقة اصعب من علقة مصطفى
ليلة بصدمة : ايه ده ؟ هو انتو ضربتوه قبل كدة ؟!
مصطفى باحراج : لا لا كانو بيهزرو معايا
ليلة : هو انت الي قولت لجدك على الي عملوه زمان ؟!
مصطفى بتوتر : لا ده عرف بالصدفة
دينا : كداااب .. هو الي قاله و اتعاقبنا و من اليوم ده بدأ قرار العقوبات على كل غلطة بنعملها
ليلة بضحك : ندل اوي
تميم : اوس مش هوصيك .. لو جدو صحي تكلمني على طول
اوس ببرود : ماشي
يزن : يلا بينا .. هنروح بالعربية عشان المسافة طويلة شوية
حبيبة بفزع : ايييه ؟! لا طبعا ممكن تتأخرو اوي
دينا : اتلمي يا بت .. انتي مش هتروحي يبقى تقعدي ساكتة
حلا : و هنروح ازاي بعربيتك يسطا .. ده احنا عايزين اتوبيس مش شايف العدد
زياد : معلش نص يروح معاه و نص معايا .. يلا يا شباب
اوس : امشي يا حبيبتي ندخل يلا
حبيبة بتوتر : هروح اخد كنان و اسر من ماما و طنط سحر
حلا : لو حد سأل علينا قولي نايمين
حبيبة : حاضر
************************
بعد وقت قصير
خرجت حبيبة للبكونة حيث يجلس اوس
جلست بجانبه و قالت : اسر تعبني اوي لغاية ما نام
اوس : ليه ما قولتيلي كنت نيمته انا
حبيبة : لو صحي روحله انت بقى .. انا بجد قلقانة على المجانين دول
اوس : ما تخافيش يزن مش هيخاطر بيهم
حبيبة : تلاقيه بيضحك عليهم و عمل كدة عشان دينا
اوس بضحك : لا هو فعلا هياخدهم لمكان غريب شوية .. بس عشان يصالحها و يراضيها مش زي ما انتي فاهمة يا قليلة الادب
حبيبة : اسم الله .. ده انت الي وديتهم بداهية زمان عشان قلة ادبك دي
اوس : و لو يرجع بيا الزمن هعمل كدة مليون مرة عادي جدا .. المهم يخلالي الجو معاكي
حبيبة بابتسامة : طب ليه ما روحنا معاهم و افتكرنا الايام دي ؟
اوس : نروح فين ده انتي لسا والدة من اسبوع مش هستحمل تتعبي تاني
حبيبة : عندك حق و لا هيجيلي قلب اسيب كنان و اروح لمكان ما اعرفهوش .. عارف .. انا بدأت اقلق من علاقة يزن و دينا
اوس باستغراب : ليه مالهم ؟
حبيبة : دينا اتغيرت اوي و بقت حساسة اكتر و يزن حاساه مش مقدر ده
اوس : بصراحة يزن ميعرفش يتعامل مع البنات .. دينا اول حب بحياته فطبيعي يحصل كدة
حبيبة بانفعال : اوس .. ما تحسسنيش انك مش عارف دينا .. زي ما هي اول بنت بحياته هو كمان اول راجل بحياتها .. دينا ما تعرفش يعني ايه حنية اب و اخ .. كانت بتعبتر زياد اخوها و اهو انت شايف الي حصل هما دلوقتي يا دوبك بيتكلمو مع بعض .. يزن لازم يفهم مشكلتها و يعوضها
اوس : طب بالراحة مالك اتعصبتي .. اهدي يا حبيبتي اكيد هيفهم بس هما محتاجين وقت
حبيبة : انا قلقانة عليها .. و حلا مش هتسكت و هتفضل تسخنها عليه
اوس : انا مش فاهم حلا ايه غايتها من الحوارات دي ؟!
حبيبة : انت عارفها بتتعصب بسرعة و بتتجنن لو شافت راجل مش محترم حبيبته
اوس : طب ليه ما تركز شوية مع فارس الرخم و تخليها بحياتها ؟ لازم يعني تبوظ علاقة الكل عشان ترتاح ؟
حبيبة : ما تغيرش الموضوع .. انا بتكلم على دينا .. انت لازم تساعدها و تكلم يزن بالموضوع ده
سحبها نحوه و قال : ماشي بس سيبك منهم دلوقتي و خليكي معايا
حبيبة بحب : انا معاك على طول و مش هسيبك ابدا
اوس بهيام : مش هتصدقي قد ايه وحشتني القعدة معاكي .. نفسي نرجع بيتنا عشان نقعد مع بعض بالساعات زي زمان و محدش يفصلنا خالص
حبيبة : و انا كمان … الييت هنا فوضى بجد
اوس بخبث : و اهو خليلنا الجو دلوقتي .. الكبار نايمين و الشباب مش هنا
اقترب منها اكثر و التهم شفتيها بقبلة تفيض بالعشق
اوس بتوهان : انتي الحب الابدي يا حبيبة
حبيبة بخجل : و انا كل يوم بحبك اكتر
اخفت خجلها عندما احتضنته و استنشقت الهواء الذي اختلط بعطره النفاذ
*******************
دينا بملل : احنا كل ده و لسا ما وصلناش ؟!
يزن : مش فاضل كتير .. دقيقتين بالزبط و نوصل
فارس : ليه الشوارع فاضية كدة ؟!
حلا : الساعة 2 بالليل يا فارس مين هيخرج بالوقت ده
فارس : مش قصدي ناس .. بصي للشوارع كدة .. مفيش لا زرع و لا بيوت حتى
لارا : مهو قالك المكان مرعب مش رايحين ديزني لاند يعني
فارس : شكلها الحكاية بجد يا دينا
دينا بتهديد : مهو لو طلع غير كدة في حد هيتدفن هنا
يزن بابتسامة : ما تخافيش .. بجد و الله بجد .. اهو وصلنا
توقفت السيارة امام بيت قديم مبني من الطوب جدرانه مشققة و زجاج نوافذه الكبيرة محطم … كانت الاشجار تحيط بالبيت من الجانبين و بابه الخشبي مفتوح على مصراعيه
نزل الجميع من سياراتهم و وقفو امام البيت .. رفعت دينا مصباحا تجاه البيت و تأملته
دينا بذهول : ايه ده ؟!
يزن : ايه رأيك ؟!
دينا بحماس : تحفة
فارس : ايه حكاية البيت ده يا يزن ؟!
يزن : ده بيت قديم جدا .. من حوالي 15 سنة حصلت فيه جريمة ق..تل
كارما برعب : ق..تل ؟!!!
يزن : ايوة
دينا بحماس : ايوة عارفاها الحكاية دي .. كان في ست عايشة بيه و قت..لت جوزها عشان اتجوز عليها صح ؟
يزن بضحك : لا ايه الجنان ده ؟!
دينا : اومال مين الي اتق..تل ؟!
فارس : كان في دجالة ساكنة هنا و كانت خا..طفة عيل صغير و قت..لته عشان تقدمه قربان للج..ن صح ؟
يزن : لا انت بتتكلم على بيت تاني مش ده
حلا بنرفزة : انت هتسيبهم يألفو حكايات ؟! اتكلم و قولنا ايه الحكاية ؟!!
يزن : البيت ده كان لعيلة كبيرة ساكنة هنا و كان في واحد منهم عايز يتجوز بنت عمه الصغيرة بس هيا مكانتش موافقة
دينا : قام دب..حها
يزن : صح .. قت..لها هنا و العيلة سابت البلد كلها و سافرو امريكا
لارا : و المج..رم سافر معاهم ؟!
يزن : لا طبعا هو انت..حر بنفس الليلة
غادة برعب : يا انهار اسود .. زياد امشي نروح انا مرعوبة بجد
زياد : استني بس نبص ع البيت شوية
دينا بتأثر : تلاقو الراجل انت..حر من حبه ليها .. واضح انه كان بيعشقها
حلا : انت حمارة يا بت ؟! بيقولك دب..حها و بعدين انت..حر .. لو كان بيحبها بجد كان مو..ت نفسه و سابها تعيش حياتها .. بس لا لازم يمو..تها الاول عشان يثبت انه راجل .. حاجة عرة اقسم بالله
لارا : حتى و الراجل مي..ت بتردحيله ؟! انتي مستحيل تكوني طبيعية
كارما : ملعون ابو الحب الي يخلي الواحد يدمر نفسه كدة .. يجماعة انا بدأت اتعقد بجد
فارس : دايما لما الحب بيدخل اي حكاية بيبوظها .. انتو ركزتو بان كان بيحبها و لا لا و نسيتو البيت العجيب ده
زياد : دي طبيعة البنات يا سي فارس
يزن : تحبو ندخل نبص ع المكان و لا نفضل نتكلم هنا ؟!
دينا : ندخل طبعا مش عايزة سؤال
زياد باستغراب : ثانية وحدة .. فين الباقي ؟!
كارما : اه صحيح .. عربية تميم لغاية دلوقتي ما وصلتش
يزن : هما مش كانو ورانا ؟! راحو فين ؟؟
فارس : يمكن الاشب..اح منعتهم يدخلو المكان ده
يزن : اتلم يا اهبل .. الوقت متأخر لازم نشوفهم راحو فين
دينا بقلق : انا بدأت اقلق بجد .. لازم ندور عليهم و بعدين نرجع نشوف ايه حكاية البيت ده
فارس : ايه الفصلان ده ؟؟ ما كل واحد مع مزته تلاقيهم مستفردين بالحتت بتاعتهم
زياد : فارس اخرس .. امشو نروح نشوفهم
فارس : روحو انتو انا هستناكم هنا
حلا بحدة : مينفعش حد يفضل لوحده .. لازم كلنا نكون مع بعض الدنيا ضلمة و المكان فاضي مش ناقصين حد يجراله حاجة
فارس : هفففف ايه الفصلان ده يا ربي … اتفضلو ندور عليهم
***********************
كانت تمشي باوضتها ذهابا و ايابا و تحمل كنان بين يديها بينما اوس يحمل اسر
حبيبة بقلق : لغاية دلوقتي ما رجعوش
اوس : بكلم تميم مش بيرد
حبيبة : تفتكر عملو مصيبة ؟!
اوس : طبعا .. المهم انتي ما تقلقيش و يلا تعالي نامي
حبيبة : ازاي عايزني انام و هما برا البيت .. لازم اطمن عليهم الاول
اوس : ما تخافيش انا هفضل مستنيهم لغاية ما يروحو .. انتي لازم ترتاحي
حبيبة بتوتر : طب و آسر ؟؟
اوس : اما ترجع فريدة انا هديهولها
حبيبة : ماشي
وضعت كنان في سريره ثم اتجهت الى سريرها و مجرد ان جلست سمعت خبط الباب
حبيبة بفزع : مييين ؟!
دلفت سحر و قالت : انتو ايه الي مصحيكم لغاية دلوقتي ؟!
حبيبة بلخبطة : اصل .. اصل يعني .. احنا ..
اوس بسرعة : العيال مش ساكتين و بنحاول ننيمهم
سحر باستغراب : و فين فريدة ؟ ليه سايبة اسر معاكم ؟!
اوس : صعبت علينا … فضلت طول الليل تعيط عشان مطبخها الي اتحرق و ما صدقنا هديت و نامت قولنا ناخد اسر عشان ترتاح شوية
سحر بقلق : هروح اطمن عليهم
اوس : مفيش داعي يماما سيبيهم براحتهم
سحر بادراك : ااه .. هات اسر انا هنيمه .. مراتك مش هتقدر تاخد بالها من الاتنين
حبيبة : بالعكس يا طنط انا مش تعبانة
سحر : واضح من وشك .. اوس انت من امته مهمل مراتك كدة ؟! دي وشها اصفر و عنيها حمرا من قلة النوم ابقى خلي بالك منها
اوس : حاضر يا حبيبتي .. خودي اسر نيميه و انا هاخد بالي من كنان
اخذت اسر من يديه
سحر : ماشي .. تصبحو على خير
حبيبة بتوتر : و انتي من اهله
اغلق اوس الباب و ابتسم
اوس : كنتي هتفضحينا .. كان باين عليكي متوترة اوي
حبيبة : كام مرة قولتلك مش بعرف اكدب
سحبها لحضنه و اخذ يملس على شعرها برفق
اوس : انتي ملاك يا روحي و الملايكة مش بتكدب
حبيبة بضحك : يسلااام
اوس : بما ان ماما خدت اسر الزنان يبقى ننام احسن
حبيبة : و العيال ؟!
اوس : احنا مالنا بيهم يا حبيبة .. بكرا جدي هيعرف و يبهدلهم كلهم .. احسن حاجة نعمل نفسنا مش عارفين حاجة
حبيبة بضحك : ما بلاش ندالة يا اوس
اوس : انا عايز مصلحتك على فكرة
حبيبة : المرادي جدو مش هيعرف .. عشان مصطفى ما بقاش عميل عنده .. و يزن قال هيروحو و يرجعو على طول و هو بصراحة دايما قد كلمته
اوس : انا شبه متأكد ان جدي هيعرف .. بس ازاي معرفش
حبيبة : حتى لو عرف دي مش اول مرة و الشباب كلهم اتعودو على العقوبة يعني عادي
اوس : اممم وجهة نظر .. امشي نقعد بالسرير على الاقل … وحشني حضنك
حبيبة بابتسامة : ماشي
**************************
غادة بقلق : تفتكرو راحو فين ؟!
زياد : مش عارف .. بس اكيد ما بعدوش كتير
غادة : يمكن عربيتهم عطلت
كارما : ما اعتقدش .. انا حاسة ان تميم و مصطفى عاملين مقلب رخم كالعادة
زياد : بس فريدة مش بتاعة مقالب
غادة : ربنا يجيب العواقب سليمة
لمع ضوء سيارة يزن ليعطي اشارة لزياد فركن سيارته خلفه
زياد : يمكن لاقوهم .. هنزل اشوفهم
غادة : هننزل معاك
زياد : ماشي
نزل الشباب جميعهم وجدو سيارة تميم بجانب بيت صغير و لا احد فيها
فارس : هما راحو فين ؟!
دينا بقلق : مفيش حد بالعربية
يزن : هما اكيد جوة البيت .. استنو هروح اشوف
دينا : رجلي على رجلك .. مش هسيبك تروح لوحدك
يزن : طيب تعالي
حلا : قولنا مش هنفترق .. كلنا هنروح مع بعض
دينا : صح .. نحترق و لا نفترق .. ده شعارنا
وقف يزن امام الباب و خبط بهدوء .. مرت ثواني حتى فتح الباب رجل مسن
يزن : ازيك يعم طه
طه : اهلا يا ابني .. ايه الي مخرجك بالوقت ده ؟! و مين كل دول ؟
يزن : انا عارف ان الوقت متأخر بس دول قرايبي و كان معانا اربع شباب من ضمنهم بنيتن و تاهو مننا .. هما عندك ؟
طه : ايوة يا ابني .. في بنت منهم تعبانة جوة ………… يتبع
مغامرات عائلية 2
همس كاتبة
يتبع