الدكتور راح لعمرو وكشف عليه و قاله انها بسيطه و مافيهاش حاجه
مهيمن بحزم : تمام يالا يا بطل استعد هتشيل حديد تقيل عشرين دقيقه
عمرو بضيق : تمام يا فندم
وطبعا مايقدرش يقوله رجلى وجعانى الا يشيله حديد طول اليل
فضلت نايا ترفع رجلها مساوية جسمها و ابتدت تمشى في الهوا تطلع و تنزل لحد عشرين دقيقه
و عمرو حاول يقف ع رجله و يشيل حديد تقيل لحد عشرين دقيقه
مهيمن بحده : تمام كل واحد ع سريره و اياك اسمع صوت حد فيكم
نايا عمرو : تمام يا فندم
مهيمن فضل قاعد لوحده في الحوش و كانت الدنيا ضلمه كحل و نام في الارض و بص للنجوم
فلاش باك
حنان : ده اسمه كلام في عريس يتأخر ع عروسته يوم فرحه
مهيمن متبهدل ويتكلم بسرعه : معلش يا امى حضرى البدله عقبال ما اخد دش بسرعه
حنان بلوم : يابنى حرام عليك حتى في يوم فرحك شغل
مهيمن بهزار : شايفه بتعطلينى ازاي و شغاله تتكلمى
حنان بزعل : ماشى يا مهيمن انا اللى بعطلك
مهيمن باس ايدها : بصراحه اه بس احلى عطله في الدنيا
نايا من التعب مبقتش عارفه تنام و كل عضلات جسمها وجعتها كان نفسها تعيط طلعت من الاوضه خالص تبعد عن الكل ، شافت مهيمن نايم ع الارض قربت عليه : كابتن مهيمن
مهيمن يفتح عينه و يطلع من تفكيره و يرفع حاجه اليمين و يعوج راسه و يبصلها
نايا بخوف عليه : حضرتك نايم ليه ع الارض اتفضل اوضتك
مهيمن بجديه : اتفضل يا نضال ع اوضتك و شكرا لاهتمامك
نايا اتكسفت ومشيت و هي ماشيه طبعا متقدرش تبطل برطمه : انشالله سلعوة تطلع تاكلك
مهيمن يضحك و يقوم يسند ع كوع ايده : السلعوة دي بيضحكو بيها ع اللى زيك عشان يخاف و مش محتاج افكرك تانى بسمع دبت النمله
نايا اتكسفت جدا انه سمعها : ا ا ا
مهيمن رجع نام ع الارض : ع اوضتك و بلاش تهته
نايا دخلت الاوضه لقت فادى بيركب سلاح قعدت بضيق : بتعمل ايه
فادى : مش جيلى نوم قولت اتمرن شويه
نايا بتعب و تمسك جسمها : ما انت لو اتهديت زيي كنت نمت زي الحمار
فادي اتاكد شاكه من طريقة مسكها ل جسمها و يبصلها اووي : و انت مانمتش ليه زي الحمار يا مهدود
نايا بتوتر : خايفه ، خا، خايف
فادي يبص في عنيها جامد و يضم حاوجيه ع بعض : انت بنت
نايا تحط ايدها ع بقها و تتكلم بصوت واطى : تؤ انا انا راجل
فادى بصوت واطى و يقرب عليها اووى و ده طبعا اللى خلى نايا ترجع ورا بسرعه : لأ انتى بنت و انا اخدت بالى من حاجات كتير بس كنت بكذب نفسي
نايا بأرتباك و صوت مرتعش : طب بس بس ، ايوه انا بنت وطى صوتك لا اتفضح
فادى مسك ايدها و شدها طلعو بره الاوضه و راحو مكان بعيد : هنا محدش هيسمع حاجه انتى ازاي تعملى كده انتى عارفه لو اي حد عارف انك بنت هتتجازي ازاي و مش بعيد كمان يقوله انك جاسوسه و تتدفنى حيه و محدش ساعتها هيعرف مكانك
نايا بصوت مرتعش و دموع : والله مش جاسوسه انا هحكيلك كل حاجه بس بالله عليك ما تفضحنى و لا تقول ل حد
فادى يقعد : ع حسب ، اتفضلى سامعك
نايا بشهقات : بص انا اسمي نايا مره كنت ماشيه خبطت واحد اسمه نضال و مات و انا خفت ل يتقبض عليا، اخدت كل ورقه و زورت كل حاجه تخصه ب صورتي و الله انا كنت خايفه من السجن، تلبسني تهمه اكبر
فادى بعصبيه : ده انتى يومك مش معدى ده انا هبهدلك و افضحك و حياة امك ، موتى نضال و ما اكتفتيش ب كده لا كمان زورتى ، وربنا لهعلق اهلك و نزل يجرى
نايا قامت و نزلت تجرى وراه : بالله عليك استنى بس شويه و انا بنفسى هقول كل حاجه بالله عليك ما تقولش لحد ، انا مش هستحمل اي حاجه دلوقتى
فادى ببرود : اطمنى خالص انتى كنتى خايفه من محكمه مدني ، و دلوقتى هتتحكمى محاكمه عسكريه و طلع يجرى ع مهيمن
نايا فضلت تجرى وراه و تعيط : استنى بس اسمعنى
مهيمن قام من ع الارض وبصلهم : في ايه ! مالكم بتجرو ليه؟
فادى يبصلها : اصل يا فندم
مهيمن بحده : اصل ايه ما تتكلم
نايا كانت مدياهم ضهرها مسحت دموعه و بصت عليهم
مهيمن بعصبيه يبص ل نايا : عارف لو شكوى منك اقسم ب ايات الله العظيم هضربك طلقه حالا و ادفنك بنفسى انت خنقتنى ، اخلص قول يا فادي في ايه
نايا كانت شويه و هتموت من الخوف و مسكه دموعها
فادى بأرتباك : اصل و يبص ل نايا
نايا جسمها كله تلج و اتخشب
فادى و هو باصص ع نايا : كان عايز ياخد البونس بتاعتي و ينزل بيهم اجازه
مهيمن بجديه : لا والله ، انت مش عندك اي بونس و مينفعش تاخد بونس من حد و تنزل بي اتفضلو بقى نامو
نايا تحط ايدها ع صدرها و يرجع النفس ليها و تبص ل فادى و تبتسم ليه احد ما دخلو الاوضه
نايا بأبتسامه : ميرسي
فادى بالامبالا : اتفضلى ع سريرك
نايا ابتسمت ليه و راحت ع السرير
*******************
في فيلا فوزي
رنا تقعد جنب باباها : بابي عايزه اتكلم معاك
فوزي : اتفضلى يا حبيبة قلب بابي
رنا : بابي مدحت عايز يتكلم معاك
فوزى بهدوء : رنا ما احنا اتكلمنا في الموضوع ده قبل كده
رنا : بابي لو بتحبنى وافق عليه
فوزى : يا قلبي انا مقدرش اسلمك لحد معرفش ليه اهل و لازم ادى بنتى لحد ليه كبير عشان يوم ما يحصل حاجه اروح اتكلم مع كبيره و لازم لما اقرأ الفاتحه احط ايدى في ايد باباه عشان يبقى بداية الكلام مع راجل مش عيل
رنا بنرفزه : بابي بليز مدحت مش عيل
فوزى : سورى ماقصدش انه عيل بس انا لازم اسلم بنتى لعائله كبيره و زي ما قولتلك عايزه حد يقدر يوقفه عند حده لو حصل اي حاجه
رنا : اهله مسافرين ومابينزلوش مصر خالص
فوزى : رنا يا قلب بابي ممكن نقفل الموضوع ده و تبطلى تفكرى ب قلبك و تفكرى ب عقلك
رنا بدموع : بابي انا بحب مدحت و عمرى ما هسيبه
فوزى بيحول يكتم غيظه : رنا اتفضلى ع اوضتك مادام مش فاهمه ولا عايزه تفهمى
رنا تقوم بدموع تروح ع اوضتها
رانيا بهدوء : حبيبي انا كمان عايزه اتكلم معاك
فوزى بحب : قولى يا قلبى بس ياريت ميكنش في نفس الموضوع
رانيا بتفهم : حبيبي شكله نسى ان دماغى مش ناشفه ، ما انت اتكلمت معايا قبل كده و انا اقتنعت بكلامك و حتى كل ما بشوفها ماسكه الفون بخليها تقفل يا اما اندهها
فوزى يحضن رانيا : حبيبتى منحرمش منك، وانا عارف قلبي و حياتى اعقل ست في كوكب الارض ، اتفضلى قولى ايه الموضوع
رانيا بتردد : اصل ويزو ممم
فوزى بلهفه : مالها ويزو
رانيا : سمعت احمد وهو بيتكلم عليها و حكت الموضوع
فوزى اضايق جدا ع ويزو : في ستين داهيه تاخده انا هعرف اتصرف مع ابوه ، المهم بنتى عامله ايه
رانيا : هي بتقول كويسه جدا
فوزى : والله قلبي بيوجعنى ع البنت دي اووى انا مش عارف ليه الناس بتاخد ب المظاهر ، ويزو بنت جميله في كل حاجه و وشها بشوش و الضحكه دايما ع وشها
عرفتى بقى ليه بقول لما اجوز بناتى لازم يكون اللى هيتجوزها ليه كبير يترد عليه
رانيا بأبتسامه : صح يا حبيبي انت مابتقولش حاجه غلط ، و رنا ربنا يهديها و تعقل و تطلع مدحت من دماغها
فوزى : المهم خلى بالك منها انا عارف ان رنا عنيده جدا
رانيا : بتوصينى ع بنتى دي في عنيه
فوزى : تسلم عينيكى يا قلبي
****************
في امريكا
شادي يفتح باب الشقه يدخل بطوله المتوسط و جسمه الرياضي و ملامحه الهاديه و ليه جمال مصري اسمر عيون عسلى سنه ٢٥
على : شادي حضر نفسك هننزل مصر قريب اووى
شادي : انت لسه مصمم ع الكلام الفارغ ده
على : اوعي تربيتك في امريكا تنسيك دينك
شادي يمسح شعره : بابا انت ربتنى ع دينى كويس بدليل انى مش بعمل زي شباب امريكا و لا بشرب و لا سبتك وعشت لوحدى و ولا صحبت اي بنت لحد دلوقتى
على : يا ابنى بس وصية الميت لازم تتنفذ
شادي : هاتلى الايه اللى بتقول كده
على : اقولك انا الوصية مشروعة، وسنة مؤكدة والدال على كده الكتاب والسنة، قال تعالى: