مهيمن عجبه كلام نايا جدا بس لازم يعاقبهم هما الاتنين عشان هما في مكان ماينفعش حد يتخلى عن التانى يا اما الفريق كله هيقع : تمام عشان كده هتتعاقبو انتو الاتنين و شاور ع عمرو و انت لو ضايقته تانى حسابك هيبقى معايا شديد اتفضلو ع الحوش قدامى
عمرو بوجع في رجله : انا رجلي اتكسرت
نايا بتعوج شفايفها : يا بطه تحبى اشيلك
عمرو كان هيديلها لكمه في وشها
مهيمن بسرعه مسك ايده و بص ل نايا ي لو اتكلمت تانى يومك مش هيكون معدي اتفضل قدامى و بيشاور ل عمرو و انت اقعد هنا لحد ما ابعتلك دكتور
نايا تعبت اووي و كانت هتعيط لكن مسكت دموعها : ها هعمل ايه
مهيمن بهدوء : انا عارف انك تعبت النهارده
نايا بانشكاح وفاكره مش هيعاقبها (بس ع مين ده مهيمن) : جدا و ربنا
مهيمن : عشان كده هخليك تعمل حاجه بسيطه هتتشعلق في الحديده دي و ترفع جسمك في الهوا و تمشى في الهوا
نايا بهزار و غيظ في نفس ذات الوقت : لا والله ، ايه الهيافه دي ، و جي ع نفسك ليه بس ، هو ده السهل امال لو كان صعب
مهيمن بجديه : تحب تعرف الصعب ايه
نايا : لا و ع ايه خلينى في الهيافه دي ، تصدق اقتنعت انها حاجه هايفه (وبصوت واطى ما انت لو نطقت مش هترجع في كلامك)
و راحت رفعت نفسها و كان عادي بالنسبه ليها بس اللى صعب انها تمشى في الهوا و مش عارفه هتعملها ازاي
مهيمن يبصلها ، عشرين دقيقه
نايا بعتتلو باسه في الهوا : اشطا بس ابتدى الأول
بصلها و حاول يكتم ضحكته اللى اتحرم منها من صغره و هي الانسان الوحيد اللى رجع ليه ضحكته مع الرغم انه بيحاول يخفيها او يكتمها
**************************
في امريكا
على يتصل ب سوسن مامت دانيه و فريده
سوسن : اهلا ب الحبايب عاش من سمع صوتكم
على : و الله المشاغل يا غاليه
سوسن : شادي عامل ايه واحشنى خالص اكيد بقى راجل دلوقتى
على : ما ده اللى بتصل عشانه
سوسن : خير يا على هو شادي ماله
على : لا مالهوش بس فاكره الوصيه و لا نسيتيها
سوسن تسكت ثوانى : ….. اه طبعا فكراها
على : مالك يا سوسن
سوسن : خايفه ان الاولاد مايردوش ينفذوها
على : بس وصية الميت لازم تتنفذ
سوسن بقلة حيله و تاخد نفس : ياما قولتله بلاش تقول تصمم ع الوصيه دي
على : هو كان شايف دانيه و شادي مرتبطين ببعض اووى
سوسن بقلق : اديك قلت كانو، دلوقتى العيال كبرو و مابقوش عيال و كمان مايعرفوش بعض كل واحد منهم اتربى في حته بعيد بعد وفاة علاء الله يرحمه
على : ما انا قولتلك خليكى معانا في امريكا
سوسن : صعب اربي بنات في مكان زي امريكا ، مافيش اي حاجه تخص الدين ، كنت لازم ارجع بلدي
على : طيب انتى ايه رأيك يتجوزو و لا ايه
سوسن بقلة حيله : للاسف لازم ننفذ الوصيه
على : تمام في اقرب وقت هكون عندك
سوسن : تشرف في اي وقت
قفلو الفون
******************
في بيت سوسن
سوسن تبص ل دانيه و تحاول تفتح معاها الموضوع و تتناهد و تقول ب ارتباك : دانيه
دانيه تبصلها بأهتمام : نعم
سوسن تحط ايدها ع بعض و تقول بتوتر و ارتباك : ابن عمك اتكلم عليكى
دانيه بهزار : انا عارفه انهم عيله واطيه سيبك منهم حسابه عند ربنا
سوسن تبصلها باستغراب : انتى يا زفته بقولك طالب ايدك
دانيه : ليه هي ايدى تلفون اليومين دول ولا هو فاكر الشريحه اللى في ايدى خط اتصالات
سوسن بقلة صبر : يارب الصبر من عندك عايز يتجوزك يا زفته
دانيه بلا مبالاه : هو عايز يتجوز الزفته انا مالى
سوسن تحط ايدها ع دقنها و تكتم عصبيتها : ما الزفته دي هي انتى
دانيه ببرود : لأ لا لا لأ يعنى انا و الزفته واحد يا سبحانه الله و قامت
سوسن بغيظ : يا زفته بكلمك رايحه فين
دانيه بهدوء : مامتى يا حبيبتى انا ليا اسم، يوم ما اتولد امى تعبت فيا اوووى و فضلت في عز تعبها تناهد قصاد بابايا هو يقول اسميها زفته و هي ابدا هسميها دانيه تيجى حضرتك دلوقتى و تقولى كده زفته عادي يا سبحان مغير الاحوال عالم غريبه
سوسن تشاور ع نفسها بعصبيه : مامتك دي اللى هي انا صح و قامت تجرى وراها
دانيه و هي بتجري : هدى اعصابك يا ام الزفته هيجيلك الضغط اهدى انتى لسه صغيره
سوسن بتنهج : والله ما هسيبك
فريده تمسك مامتها و تمثل دور اللى بتضحى : مامتى حبيبتى سيبك منها و ركزى معايا انا ، انا موافقه عادي والله و قوليله يجى في اي وقت انا تحت امره، انا هضحى عشان منزلش كلمتك في الارض
سوسن بصويت : يا لهوي لا انتو هتجنونى ، واحده مش عايزه تتجوز و التانيه لسه عيله و عايزه تتجوز ارحمنى يارب ، امشى يا بت اتجرى من هنا غورى من وشى
فريده بضيق : يوووووه كل حاجه لسه صغيره ، انا اللى غلطانه بضحى عشانكم، و خلي بالك دانيه ولا حتى بتنفع نفسها ، مافيش غيري هيريح قلبك
دانيه تبص من ورا باب اوضتها : حلو دور الضحيه ده كملي فيه برافو ،و اوعى تنسى تلبسى حزام ناسف و تنسفى البيت كله يا مضحيه يا ام لسان عايز قطعه
سوسن تقعد و بقلة حيله : يارب لا اسألك رد القضاء لكن اسألك الطف فيه
فريده ترفع حاججبها اليمين : شايفه عصبتينا ازاي
سوسن تمسك شبشبها و تحدفه عليها
***************************
في القوات الخاصه