ياسمين ابو حميد كنت لسه بقولها بيخبك وطارت غلى الحمام
باباها. بضحك البت هنا مفيش عقل بتاتا صباح الفل ياقلبي وحشاتى يانونا
ناهد. وانت اكتر ياقلب نونا
ياسمين. ارحموا معاكم سناجل
مامتها اتخضت وباباها لما تطلعى ياكلبة البحر
ياسمين.ههههههههه قلبك ابيض والنبى خلاص ياابوحميد. سيبنى اطلع عندى مقابلة شغل
باباها. لازم اعلقك بتقولي للامك متجوز عليكى هو انا لو لفيت الدنيا هلاقى حد فى طيبة وحنية مامتك
ياسمين. اييييه معلش ياابوحميد هى مين اللى طيبه ناهد والله حضرتك ماتعرف حاجه
مامتها. احمد علقها من لسانها ام لسان طويل
عامر. من وراها ضربها على قفاها ومسكها من بيجامتها وبيقوله خد سيادة العقيد علقها ولا اقولك اخدها انا معايا القسم احبسها هناك اهو نرتاح من قلة ادبها شويه
ياسمين. ياعم اوعى هو انت علشان ظابط هتفترى على خلق الله قال احبسها قال هو سيادة العقيد هسيبك
باباها. اه هسيبه اهو نرتاح منك ومن دوشتك شويه
ياسمين.. بقى كده بكره اتجوز وتشتاقوا لدوشتى وتتحايلوا عليا ان اجى وانا اقولكم لا
عامر. يااختى اتوكسى هو فى حد بيبص فى وشك يااوزعه
ياسمين. انا اللى اوزعه ولا انت اللى طويل اووووى واخد الطول على حسابك
مامتها. بطلى دوشه ادخلي البسى وصلى وتعالى جهزى معايا الفطار