بغد وقت ليس بالقليل قامت ياسمين من نومها اتفاجات بالساعه قامت من مكانها ودخلت الحمام واتوضت وصلت فرضها وخرجت كانت مامتها مش موجوده عرفت ان هى تحت بتابع العمال دخلت لبست ونزلت مع خروج عامر من اوضته بيقولها ايييه نازله تحت
ياسمين. اه
عامر. ايييه بقى اللى خلاكى تعملى مكتب وتسيبى الشركه
ياسمين… هحكيلك بس استني هنزل اشوف ماما واطلع واحكيلك انت وماما
عامر.. هنزل معاكي ونزلوا الاتنين ودخلوا كان العمال بيشتغلوا وكانوا تقريبا قربوا يخلصواشغلهم
ياسمين.. برافوعليكم يااسطوات
عامل من العمال. تسلمي ياست هانم ان شآء الله بكره هتستلمى الشقه متشطبه وحقك عليا لو حد فينا ضايقك
ياسمين. مفيش، حاجة يااسطى ومتزعلوش منى انا واحده بتتحب كل حاجه تتعمل زى ماالكتاب بيقول
الاسطى. ربنا يكتبلك كل خير ياهانم ورينا يجعله فتحت خير لحضرتك
ياسمين. يارب انا هطلع لو احتجت حاجه رن عليا هنزلك عالطول
الاسطى. ماشي ياهانم وياسمين اخدت امها واخوها وطلعوا
عامر بضحك الرجل اترعب منك
ياسمين. ماهو لازم تكون في واقفه مشكلة صناعية مصر الدلع
مامتها….. حقيقي عندك حق لازم تكون ليهم واقفه انتوا عارفين لو بيشتغلوا بما يرضى الله كنا هنكون فى مكان تاني خالص طبعا انا مش بعمم