فهد. ممكن اركب معاكي عربيتك علشان عربيتى فى التوكيل
ياسمين. اسفه مش بركب حد. عربيتى وركبت عربيتها واتحركت وفهد اتغاظ منها بس 
وبيقول مش عارف هعمل معاها ايييه المجنونه دى فى السفر
ومسك فونه بيقول للشخص موافقتش، اركب معاها العربيه كان عندك حق اه فعلا. هتتعب معاها بس متقلقيش انا وراه والزمن ونفسى طويل سلام دعواتك ارجع وهى بتحبنى او ممكن تقتلنى ايهما اقرب بضحك واثقه اووووى ربنا يباركلى فيكى وقفل معاها وبيقول ماما دى ملهاش حل
فلاش باك
فهد قاعد سرحان ومامته خبطت عليه ودخلت وهو ماحسش بيها بتقوله حبيب قلب امه سرحان فى اييه
فهد اتعدل فيكى ياست الحبايب
مامته. يابكاش فيا ولا فى المزه اللى هتسافر معاها
فهد. مزه قصدك على ياسمين طيب بذمتك دى يتقال عليها مزه دى عفريته شيطانه مش مزه خالص
مامته اخس عليك يافهد ياسمين دى قمر 14 انت بس مش واخد بالك
فهد. اخد بالي من اييه دى ملهاش علاقه بالانوثه بتاتا
مامته. ياواد اومال انت حبتها ليه
فهد. ايييه لاطبعا حب اييه يازوزو
مامته. بص انت بتكلم واحده حبت زمان يعنى حبيبه قديمه وعارفه اللى بيحب ونظرة عنيه
فهد لسه بتحببه
مامته. وعمرى ماهنساه
فهد. طيب حرمتى نفسك من حبك ليه
مامته. علشان هو كان بيعتبرنى زى اخته عمره مااعتبرنى مراته