رواية مرفوض من المجتمع الفصل الثاني 2 بقلم رؤي صباح – للقراءة المباشرة والتحميل pdf
“رياض ابني انزل وطلعت امي شافتني وظلت تصرخ علية حتى انزل ودزت اخوية الجبير علية يساعدني انزل مناك واني اعرف اخوية الجبير راح يضربني ووراهة جدي بس اكو شي هون عليه الضرب. المديرة كالت حتى تخليني انزل:
“ابني انزل عندي خبر حلو الك بس انزل”
على كيفي نزلت وركضت للمديرة واني اسمع امي تلومني على اللي سويته وبنفس الوقت المديرة كالت:
“رياض ابني انت صرت طالب. تكدر تجي للمدرسة”
1 تع
ما صدكت نفسي. معقولة سمعت صحيح؟ سالتها واني اتبسم واحس بالفخر:
“صدك؟ صدك”
ردت وهي تتبسم وتشجع بية:
“صدك. ادري بيك راح ترفع راسنا كلنا”
1 تع
ومن راحت اني ظليت اركص وادندن فرحان وكلي امل وطلبت من اهلي ملابس جديدة وجنطة مثل اخوتي :
“اريد احضر للمدرسة.. اريد استعد للدوام”
ردوا عليه رد صاعق:
“قابل شراح تصير؟ دكتور لو مهندس.. يومين وتبطل فعليمن نشتري ملابس”
2 تع
متت قهر كل هذا التجريح منهم مافقدت الامل رغم فقداني لجزء من فرحة المدرسة. رحت بملابسي القديمة طالب جديد بالدشداشة وصرت محط سخرية من الطلاب وتجريح وهذا جان القصد من ابقائي بملابسي القديمة عسى ولعل سخرية وضحك الطلاب تخليني اتخلى عن حلمي بس ابد ومستحيل هذا الشي يصير.
2 تع
تميزت بالمدرسة رغم عدم الابصار. جنت من الطلاب المتميزين. من خلال متابعتي للبرامج التثقيفية عندي معلومات مهمة وجنت احفظ دروسي كلش زين وانتبه على المعلمين وبدون تشجيع من احد من اهلي ومشجعي الوحيد كان المديرة الفاضلة اللي حفزتني بالكلام الحلو ومشاركتي بالاحتفالات بالاناشيد والاشعار. واختي الاكبر مني اللي ساعدتني هواي والوحيدة من اهلي اللي حفزتني وساعدتني.