رواية مرفوض من المجتمع الفصل الثاني 2 بقلم رؤي صباح – للقراءة المباشرة والتحميل pdf
مارديت عليها فتت للغرفة وحسيت بالمشاعر المتضاربة من اهلي ومن الضيوف. محد يريد يشوف كفيف البصر الصغير بنص الغرفة ولا حتى ضموا اللي يحسوه واخوية الجبير مدلل البيت والمتنمر على الكل بضمنهم اني كام ركض وجرجرني من الغرفة واني اقاوم وطلعني وضربني برة الغرفة وضلينة نتعارك لحد ما طلعنة برة وحسيت بحجر صار جوة رجلي فشلته وردت اشمره على اخوية , سمعت صوت جدي وجان قريب علينة :
“انت اعمى شلون راح تكدر تشوفة وتضربه”
2 ت
وكعت الحجارة من ايدي وكمت ابجي .
حسيت جسمي انفصل عن روحي وصار بية شلل بجسمي كله للحظات ليش هيج يعاملني المجتمع بهاي القساوة.
شنو الخطأ اللي اني اقترفته؟ ما حصلت اجابة على هذا السؤال لحد الان.
بدة العام الدراسي وعبالي حالي من حال اخوتي وخواتي الاكبر مني راح اروح مدرسة ويقل الملل والحرمان بحياتي من وابدي اتعرف عن اصدقاء من المدرسة ومثل كل اخوتي اعيش حياة طبيعية من اصير بالمدرسة بس الصدمة جانت من اهلي ما سجلوني. سألت امي:
1 تع
“ليش ما تسجلوني بالمدرسة؟”
ردت امي بنبرة ما مهتمة كأن هذا هو الصحيح بهذا العالم:
“ميسجلون اللي بيهم اعاقات. وانت اعمى متشوف شلون تريد تدرس وشلون تروح للمدرسة؟”