رواية مذاق الحرمان كامله وحصريه بقلم لبني الموسوي – للقراءة المباشرة والتحميل pdf
نزلت جوة صبحت على ماما ووگفت يمها بالمطبخ اجهز بالريوگ وهيَّ تدردم عليَّ لأن متأخرة بالنوم آخر شي نصيت تحت القوري واِلتفتت عليها
عسل : كل عام وأنتِ بخير بنيتي
زينب : ما اعايدچ طول ما أنتِ شالعة گلبي
عسل : ادري ليش أنتِ عدوة النوم
زينب : يا نوم هذا نوم الظهاري ! وشتحصلين منه غير الصداع وبركة اليوم التطير بسببه
عسل : عطلة ماما عطلة دمشيها وعايديني
زينب : كل عام وأنتِ فرحة هالبيت ولب گلوبنا، يوم النشوفچ احسن دكتورة واحلى عروس
عسل : فدوة لگلبچ يا اطيب واحن أم بالدنيا
خيال : ماما رايحة ويا فيض عندي شغل
زينب : ومنو ياخذكم ؟
زينب : روحي يمة بس حاولوا لتتأخرون
خيال : صار من عيوني
عسل : عود جيبي هدية براسها حظ ما اوصيچ ولو ادري بذوقچ مدعوم بلوري
خيال : ومنو الگال رايحة اجيب لچ هدية !
گلت رايحة ويا فيض عندي شغل لو ما سمعتِ
عسل : شغل أم حلگ ، مو رايحة للشركات مال أبوچ تساعديه باِدارتها
زينب : مدري وين چان عقلي من وافقت اسميچ عسل
عسل : احسنتِ الاِختيار لأنني اسم على مسمى
خيال : فيض دتتصل يلا مع السلامة
تركتهم وطلعت بسرعة لگيت فيض وآسر بالباب
آسر : ليش ما لابسة العباية !
خيال : هوَ احنه رايحين للسناتر شعندي بالعباية