رواية مذاق الحرمان الفصل الثالث 3 بقلم لبني الموسوي – للقراءة المباشرة والتحميل pdf

خيال : حسام مموجود واِتفقت ويا فيض تجيب بيبي وباجي لبيتنا وتجي

عسل : عود فكرت أم عقل ، شلون نظل وحدنا هناك

خيال : شگد تلغين ، بس فضيني أني دبرت كل شي

گمت وياها غصبًا عني ، وصلنا رنيت الجرس فتحت لنا فيض لابسة الحجاب وأمها وبيبي وراها

فيض : اجيتِ بوقتچ توني اريد اجيچ صايرة مشكلة باللابتوب مالتي وردتچ تساعديني نحلها عندي بحث ومستعجلة عليه ما اگدر انتظر اخواني لليل

خيال : اي مو تتدللين

بوستها وتقدمت تسلم عليهم ..

وئام : هلا بنايتي هلا ومية هلا ، تفضلوا ليش بالباب

خيال : اخذي راحتچ باجي لتتقيدين بينا

وئام : لا شلون يصير اعوف خطاري واروح

خيال : احنا مو خطار بعدين منطول اشوف مشكلة لابتوب فيض ونجي وراكم

عسل : اليوم ماما جابت طاريكم مشتاقة لبيبي روحوا حتى تفرحوها اصلاً هيَّ كانت ناوية تجيكم

وئام : خوش رايحين بس مو تطولون تعالوا ورانا

فيض : إن شاء الله

بقينا نراقب خطواتهن بس طبن لبيت أهلي غلقنا الباب ودخلت خيال طايرة لآسر ، وگفنا مسافة عن غرفته نراقب الموقف عن كثب طرقت الباب صاح تفضل دخلت تاركته مفتوح وراها ، واگف ديمشط على المرايا بس لمح اِنعكاس صورتها گدامه اِلتفت

خيال : اجيت حتى احل سوء الفهم الصار بيناتنا

آسر : خيال روحي لتحچين ولتبررين نفسي لعبانة