رواية مذاق الحرمان الفصل الثالث 3 بقلم لبني الموسوي – للقراءة المباشرة والتحميل pdf
خيال : ماكو ميجاوب العنودي
عسل : دكافي عوفيه شگد تلحين هوَ وحده يلين
خيال : اخاف يلين وتزعلين
عسل : يابة اسفين نعتذر من ابو خشم اليابس فلقد قلنا فيهِ ما ليس فيهِ
خيال : لگيت الحل
ما جاوبتني ، رجعت تتصل رافعة السبيكر ..
خيال : آسفة شكلي گعدتچ من النوم بس محتاجتج
فيض : بعيوني گولي
خيال : أخوچ وين ؟
فيض : منو منهم بالضبط ؟
خيال : لتصيرين غبية ، اكيد آسر شاصخم بحسام
فيض : ما ادري وينه وحتى على الغدا ما اجى اليوم ، خير شكو صاير بيناتكم شي ؟
خيال : اي زعل مني بعدين اسولف لچ ، حبابة بس يجي اتصلي بلغيني حتى لو بالليل سمعتِ
فيض : تتدللين بس غير اعرف شصاير
خيال : بعدين والله ما لي مزاج احچي هسه
فيض : على راحتچ
عسل : على شنو ناوية ؟
خيال : اروح له هذا الحل الوحيد لأن مستحيل يرد
عسل : الله يشافيچ اطلعي اريد انطمر ورايَّ دراسة
غمتني وطلعت سادة الباب وراها ، نمت على صوتها وگعدت كذلك على صوتها اخذت الوسادة من تحت راسي كفختها على راسها بقوة
عسل : غضب مو أخت غير تخلي الواحد ينطمــر
خيال : نمتِ شبع خو ما شبع ، گومي يلا حتى تجين ويايَّ لبيت عمي تدرين بأمچ متخليني اروح وحدي