رواية مذاق الحرمان الفصل الثالث 3 بقلم لبني الموسوي – للقراءة المباشرة والتحميل pdf

عسل : تتدلل ، ظل وياية على الخط نازلة للصالة

حچيتها ونزلت بسرعة ، لگيته موجود بمكان گعدته على الطبلة الجانبية للتخم

عسل : هذا موبايلك موجود يمنا

حسام : اكو اِشكال إذا اجي اخذه هسه ؟

عسل : اكيد ماكو قابل أنتَ غريب

حسام : تمام دقائق واكون عندچ

سديت الخط وحطيت الحجاب على راسي ، طلعت انتظره بالطرمة ، دأفتر واشتم هوا صارت عيني على موبايله ضغطت على زر التشغيل مثبت صورته ويا فداء وآسر خلفية لقفل الشاشة، اِبتسمت لمنظرهم

بهذه الاِثناء سمعت الباب اِنطرق بهدوء ، تمشيت فتحته صار حسام بوجهي بس شافني اِبتسم

حسام : تعبتچ ويايَّ

عسل : يمعود قابل شمسوية ، ها واعذرني صرت فضولية وشغلت الموبايل حتى اشوف خلفية القفل

حسام : سر يعني ؟ من اسمها خلفية شاشة معناها متاحة للجميع ، المهم لتسهرين أكثر من هيچ لأن وراچ اِمتحانات والسنة الجاية تحديد مصير

عسل : هسه راح أنام

حسام : نوم العافية ، تصبحين على خير

عسل : وأنتَ من أهله

سديت الباب تأنيب الضمير مستمر بمحاربتي كلش صعبة وتذبح من الوريد ساعة اللي احط عيني بعينه واكذب عليه ، حسام مو شخص عادي هوَ مني وبيَّ بمقام الأب بتعبه التعبه ويايَّ ، وبمعزة الأخ بمواقفه المشرفة مگاعد اتخيل يجي اليوم الاخسره بيه في حال لو ما تقبل الحقيقة وعارض رفضي له واِختياري شخص غيره شريك لحياتي