الحجه خديجه بابتسامه: ومين قالك انه مش بيحبك بس .
فرح : بعد محكتلك الحصل فاكرا انه بيبحبني .
الحجه خديجه: طبعا بيحبك من كلامك عرفت انه بيغير عليكي وبيحبك وبيخاف عليكي كمان .
فرح : ومريم وذكرياته معاها ياطنط .
الحجه خديجه: يابنتي مش لازم لما نسمع حاجه تكون هي دي الحقيقه ساعت بنكون احنا العاوزين نصدق السمعنا وبس ومنعرفش حتي باقي الحقيقه ولو حتي شوفتي بعينك ساعات عنينا بتخدعنا ومش بنشوف الحقيقه صدقيني جوزك بيحبك يابنتي . واعرفي هنا بيتك لحد متخدي قرارك استني لما اجبلك شروق بنتي .
فرح بابتسامه: هو حضرتك عندك بنت غير الشافني .
الحجه خديجه بابتسامه: ههههه استني لما اندهم يتعرفو عليكي . ياشروق ياشروق يامحمد يامحمد .
محمد وشروق خبطو علي الباب قبل ميدخلو .
شروق بابتسامه: نعم ياماما .
الحجه خديجه: دي بقا اختكم فرح وهتقعد معانا كم يوم .
محمد بكل احترام وعينه في الارض : تشرفينا يااستاذه فرح والف سلامه عليكي .
شروق : يسلام احنا نطول القمر دا يقعد معانا .
فرح بفرحه وابتسامه انها اتعرفت علي ناس طيبه كده : بجد شكرا انا مش عارفه اقولكم ايه .
الحجه خديجه : متقوليش حاجه انتي تاخدي هدوم من شروق وتغيري كده علي مااعمل الاكل ونتعشا سوا . يلا يامحمد يابني . وخرجت الحجه خديجه ومحمد وشروق طلعت بجامه لفرح وغيرت وخرجو يتعشو سوا في جو من الحنان والارتياح بنسبه لفرح………….