رواية متملك (كاملة جميع الفصول) عبر روايات الخلاصة بقلم آية عيد
_في مصر___وتحديدا في القاهرة_في حارة متوسطة الحال.
وتحديداً في إحدى الشقق متوسطة الحجم…ولكنها جميلة___في الصباح.
كانت واقفة بنت في غرفة واضح من تصميمها انها بناتية…الهدوم مرمية علي السرير بإهمال، بعض الاوراق علي مكتب دراسي صغير.
واقفة بنت امام المراية بتُمشط شعرها الاسود الشبه كيرلي وحريري في نفس الوقت…بشرتها صافية وهادية، شفايفها وردية ومنتفخة قليلا، عيونها جميلة من الخارج خاصةً لما تبتسم ، دا غير لونها الرمادي و لون ازرق ولكن خفيف جدا لا يُلاحظ إلا من قريب….
قصيرة وجس*دها مثالي وممشوق ، انثى بِحق…وملامحها بريئة…تبلغ من العمر 22 سنة.
كانت مبتسمة بهدوء، وابتسامة عينها واضحة…عملت شعرها ديل حصان، وكانت لابسة قميص لونه ابيض بأكمام و بِه فيونكة عن الياقة ،وبنطال جينز…وكوتش ابيض.
تلفونها رن ،مسكته وابتسمت بخجل لما شافت الإسم “مازن”
ردت بصوتها الرقيق قائلة :صباح الخير يا مازن.
اتاها الرد قائلا :صباح الخير يا أسيل…انتي فين دلوقتي؟!
قالت بسرعة وهي بتلف وهي وبتاخد الأوراق:مش هتأخر، خمس دقايق وهكون عندك.
رد قائلا :انا مستنيكي اهو.
قفلت بسرعة ومسكت شنطتها الصغيرة، واخدت تلفونها، والاوراق وضعتهم في ملف وخرجت للصالة.
كان يجلس رجل في الخمسين علي كرسي السفرة الصغيرة وممسك هاتفه الجديد يُقلب به بإستغراب.
خرجت أسيل وهي سامعة صوت الزيت من المطبخ.
قربت من والدها بإبتسامة قائلة بتفائل:صباح الخير يابابا.
نظر لها قائلا :تعالي يابنتي شوفيلي البتاع دا!…عايز اتصل بعمك حسين.
ضحكت بخفة وقعدت جمبه ومسكت التلفون وجابت رقم عم حسين.
اعطت الهاتف لوالدها قائلة :اتفضل يا معلم.
ابتسم بخفة وهو ينظر للرقم قائلا :هو!..انتي هتاخدي مرتبك أمتا؟!
اتنهدت قائلة :يابابا احنا لسة عشرين في الشهر.
خرجت والدتها من المطبخ وفي يدها طبق سلطة وقالت:أهم حاجة، انتي مرتاحة في الشركة دي؟!
قالت بهدوء:جدا يا ماما…دي شركة كبيرة جدا ومعروفة ومرتبها كويس، ازاي مش عايزاني ارتاح!
قعدت والدتها علي الكرسي قائلة :ولله كتر خيره الواد مازن…مخلكيش تدوري علي شُغل بعد التخرج وجابلك هو شُغل فورا.
ابتسمت حياه وهي بتطلع دواء والدها من العلبة:فعلاً، بفضله مكنتش هلاقي شُغل…والده يعرف صاحب الشركة، وبسبب توصيته مكنتش هقدر اشتغل.
قال والدها :انتي بقالك شهرين باين…صح؟
قالت والدتها:بقالها شهرين ونص يا محمد.
قال محمد:طب يلا هاتيلنا الفطار يا نعمة.
قامت أسيل بسرعة وقالت:لا انا اتأخرت أفطروا انتوا، سلام.
واتحركت وخرجت بسرعة من الشقة.
اتنهدت نعمة قائلة : مكدبش عليك، بس انا نفسي اشوفها عروسة…وياسلام لو العريس يبقي مازن.
نظر لها محمد بضيق وقال:مينفعش يا نعمة…شوفي هو فين، واحنا فين!دا ابن راجل غني.
نظرت له بضيق قائلة :ابن راجل غني، ومصاحب بنتك اهو من اول يوم جامعة.
بصلها بحده وقال:هو ايه دا ال مصاحبها!!! لا طبعا، هو بيساعدها وبس.
بصتله بسخرية وقامت وقفت واتحركت للمطبخ.
قال بصوت حاد:صحي ابنك الفاشل دا، خليه يروح يشوفله شُغلانة.
نظرت له بتوتر وتردد ومتكلمتش، وعدت من امام غرفة ابنها ومكانش في حد…لانه لم يأتي للمنزل حتي.
_________علي السلم.
نازلة اسيل علي السلم وهي بتدور في شنتطها علي حاجة.
وقفت قدامها أمراة، لدرجة ان اسيل اتخضت منها.
قالت الست ال بتكون جارتهم وأسمها عُلا:رايحة فين يا أسيل؟!
ردت أسيل بضيق:……يتبع…
فصول رواية متملك بقلم ٱية عيد
اضغط على الفصل الذي تريد قراءته:
- رواية متملك الفصل الأول
- رواية متملك الفصل الثاني
- رواية متملك الفصل الثالث
- رواية متملك الفصل الرابع
- رواية متملك الفصل الخامس
- رواية متملك الفصل السادس
- رواية متملك الفصل السابع
- رواية متملك الفصل الثامن
- رواية متملك الفصل التاسع
- رواية متملك الفصل العاشر
- رواية متملك الفصل الحادي عشر
- رواية متملك الفصل الثاني عشر
- رواية متملك الفصل الثالث عشر
- رواية متملك الفصل الرابع عشر
- رواية متملك الفصل الخامس عشر
- رواية متملك الفصل السادس عشر
- رواية متملك الفصل السابع عشر
- رواية متملك الفصل الثامن عشر
- رواية متملك الفصل التاسع عشر
- رواية متملك الفصل العشرون
- رواية متملك الفصل الحادي والعشرون
- رواية متملك الفصل الثاني والعشرون
- رواية متملك الفصل الثالث والعشرون
- رواية متملك الفصل الرابع والعشرون
- رواية متملك الفصل الخامس والعشرون
- رواية متملك الفصل السادس والعشرون
- رواية متملك الفصل السابع والعشرون
- رواية متملك الفصل الثامن والعشرون
- رواية متملك الفصل التاسع والعشرون
- رواية متملك الفصل الثلاثون
- رواية متملك الفصل الحادي والثلاثون
جاري كتابة باقي فصول الرواية.. عاود زيارتنا..