سِكت يوسف ناظراً لوالده بتوتر وبعض الخوف..وعاد للخلف مُقترباً من أسيل يحتضنها..
إحتضنت أسيل صغيرها ناظرة لإلياس بعتاب:-في إيه يا إلياس…دول بيهزرو مع بعض عادي.
سِكت إلياس ناظراً لإبنه وكأنه ينظر لنسخته الصغيرة…إتنهد وإقترب من أسيل حاملاً صغيره بين يديه قائلا بهدوء حنين:- ..متزعلش مني…بس عيب تمد إيدك على أختك الكبيرة..
إحتضنه يوسف قائلا ببراءة:-مش هعرف أضربها يا بابا..دي أطول مني…دي ثوحة.
نظرت له إليسيا بعصبية:-لم نفسك يا أوزعة، يا وش الخميرة المدوّدة.
ضحكو بخفة على حديثهم، وجلس إلياس على السرير…وإقترب منه طفليه وكُل واحد منهم من جهة بينها إلياس في المُنتصف..
أعاد إلياس ظهره للخلف ناظراً ليوسف وقال:-بتصحي أختك ليه؟
قال يوسف بإحراج:-مش جالي نوم…وكُنت هلعب معاها،بس هي كثولة..
إبتسمت أسيل بإرهاق جالسة على حافة السرير الأخر وهي تنظر لهم..
قال إلياس بهدوء مُجيباً:- مش كسولة، بس دا وقت للنوم..وهي تعبت من الدروس طول النهار، ولازم ترتاح مش كدا ولا إيه!
أومأ يوسف…وتحدث إلياس بتنهيدة قائلا :-في حد مرة قالي…لو عايز تنام!..عد بعض الأرقام في عقلك وغمض عينك..
نظرت له أليسيا قائلة :-دا مين الكداب إل ضحك عليك وقالك كدا!