رواية متملك الفصل التاسع عشر 19 بقلم آية عيد – للقراءة المباشرة والتحميل pdf
توقف جميع الموظفين ناظرين له بإحترام..
قربت منه لطيفة قائلة بإحترام:-تُؤمر بحاجة يا فندم؟!
مردش عليها، ونظر لجميع الموظفين كأنه بيدور على حد…توقفت أعينه ناحية شمس تحديداً…إرتبكت شمس وإبتلعت ريقها لما شافته ينظر لها…ونزّلت نظرها للأسفل بتوتر..
تحدث إلياس مُوجهاً حديثه للجميع قائلا بجمود:أكيد كُلكم عرفتو بخبر جوازي…من أسيل.
نظر له الجميع بلهفة من حديثه، لم يتوقعو أن يأتي بنفسه ويتحدث.
إتنهد قائلا بهدوء: بِما إن الكُل عِرف دلوقتي هي تبقى إيه..أسيل إلياس الألفي…فا من الأفضل التعامل معاها يكون بحدود…فاهمين!
أومأ الجميع بإحترام ناظرين للأسفل…
جاء نظره مُجددا على شمس، رافعاً حاجبه بغموض…لف وإتحرك صاعداً في المصعد…
نظرت شمس للمصعد بتوتر، كانت حاسة إنه عارف حاجة…بس ساكت…دا أكتر شيء خوّفها…إنه ساكت..
=====================================
في قصر الألفي___وتحديداً في وقت ما قبل المساء..
قاعدة أسيل وجوليا بيشاهدو التلفزيون على فيلم مصري وأمامهم تسالي..
قالت جوليا بسخرية:مش مصدقة بجد إني قاعدة معاكي بالطريقة دي..
نظرت لها أسيل قائلة :لي يعني؟!..مكُنتش بتقعدي كدا مع صحابك؟!
نظرت لها جوليا بسلاسة قائلة :أولاً، إنتي مش صاحبتي…ثانياً أنا مش بصاحب حد..