رواية لين القاسي الجزء الثاني الفصل الثاني 2 بقلم اماني المغربي – للقراءة المباشرة والتحميل pdf
بلعت ريقها وابتسمت غصب.وهي بتمنع دموعها من النزول … انا بجد اسفه ولو حابب انا ممكن اكلم لين واقولها سبب جوازنا وهي اكيد هتتفهم
قعد محمد علي السرير ورفع ذقنها.وقال بحزن … انا إلي أسف لأني مش قادر أبدلك مشاعرك انتي جميله قوي وإي حد يتمناكي
زقت ايدة وقالت بمرح عكس النار إلي جواها …. انا مش بس جميله انا ملكه جمال هههه
وقفت… تعرف احنا لازم نخلص من ام قويق وابنها ابو زلومه بسرعه عشان ألحق قرة عيني وفلذة قلبي
لفها محمد له وحضنها وهمس لها … عيطي
مسحت دموعها إلي مغرقه وشها… بس انا مش عاوزة اعيط
محمد بحزن٣ …. انا اسف ي تاليا انا اسف بجد
دفنت رأسها في رقبته وفضلت تعيط جامد وهي كل ما صوت عياطها ي علا هو كان بيحضنها جامد وبيعتذر لها
ملس محمد علي شعرها بعد ما بطلت عياط… احسن
بعدت عنه وابتسمت بإرهاق… أيوة شكرا شكرا بجد علي كل إلي عملته معايا من وقت ما تقبلنا لحد النهاردا بجد شكرا
محمد بحنان… مافيش بين الإخوات شكرا ي تاليا
مسحت دموعها…. عندك حق عشان كدا من واجب الأخت علي أخوها إنها تساعدة يبقا مع إلي بيحبها
بص محمد للفراغ …. لين بقت مرات قاسي