ترك ذراعيها بعدما انتبه لما كان يفعله
نظرت له بحزن وقبل ان تغادر الغرفه هتفت بغضب : انت مش بس وجعتني انت كسرتني ومش مسمحاك على طريقتك معايا ومع بنتك ، ليلى يا نديم اللى اقرب ليك من نفسك ، بنتك اللى قسيت عليها وهى مالهاش ذنب فى أي حاجه وكمان الولد مالوش ذنب باللي عمله ابوة زمان ، سيف اتربى مع جده وجدته مش زي ماانت فاخر مش عشان ابن تيام لازم يبقي زيه ، المهم التربيه مين اللى ربه وعلم وكبر ،سيف شخص مكافح وبيشتغل فى مكتب جده ومحامي ناجح واي عيله تتمنى لبنتها شخص زيه ، اسمع بنتك وهى بتتكلم عليه ، اسمعها وهى فرحانه بيه وبشغله وفخورة باللى بيعمله ، بلاش تحكم بالظاهر ، اقعد معاه وافهمه ، عندك مراد ابن مجدي مش معز ، شوف معز رباه ازاى وكان له الاب وكل حاجه ، التربيه هل الاهم ماحدش ممكن يصدق ان مراد مش ابنه ،انت اسرعت فى الحكم عليه واللى حصل انهارده لا أنا ولا بنتك قابلين بيه ، راجع نفسك قبل ما تخسر بنتك ، ولعلمك أنا هفضل جنبها ومعاها فى أي قرار هتاخده ليلى لانها بنتي اللى واثقه فيها وواثقه فى اختيارها
بترت كلماتها ثم غادرت الغرفه دون ان تستمع لرده ، نظر للفراغ بذهول بعدما تركت زوجته الغرفه ، داخله صراع قوي بين الماضي والحاضر وذكريات الماضي المشئوم تطارده كلما نظر هنا وهناك ، التقط مفاتيح سيارته ومن ثم سار بخطوات واسعة تاركا الفيلا وقرر الاختلاء بنفسه ليحاول ربط زمام الامور يخشي ان تنفلت من بين يديه ويخسر تلك المرة زوجته وابنته معا …
____