اما عن سيف وجده سامي ..
بعدما قص عليه ماحدث داخل النيابه ، نظر له جده بأسي
– سيف يا حبيبي انت محامي وعارف ماينفعش قضيه تتفتح بدون ادله جديده .
– ومرض بابا ، مش ده دليل قوي يا جدو
– ايوه يا بني ، بس فين اللي يثبت ده ؟
– حضرتك ماتعرفش طبيب نفسي بابا تابع معاه ؟ طيب حضرتك عرفت منين ان بابا مريض وعنده اضطراب شخصيه ، جدو ارجوك ساعدني
شرد سامي قليلا ثم هتف بتذكر : في دكتور فعلا باباك راحله زمان ، هحاول اتذكر اسمه واقولك ، واللي عرفته وقتها وجهت باباك لم ساره طلبت الطلاق ، بصراحه تيام ماانكرش وطلقها بكل بساطه ، ومرض والدك اكبر من اضطراب ومش مجرد شخصيه نرجسيه وبس ، الدكتور اكدلي ان تيام بيعاني من فصام الشخصيه وغير مدرك لتصرقاته وااشخصيه النرجسيه دي اكتسبها من والده بس لكن مرضه اصعب بكتير وكان محتاج علاج منتطم ، واعتقد ان والدك كان رافض العلاج وكمان مش معترف بمرضه .
همس بصدمه : فصام ….
ترك غرفه المكتب بذهول ، ليجد والدته مازالت جالسه تبعث بهاتفها ، سار بخطواته المتردده الي ان وقف امامها ، لتتطلع اليه ساره بدهشه .
ابتلع ريقه بتوتر ثم هتف بتسأل : حضرتك تعرفي الدكتور النفسي اللي شخص حاله بابا ؟
هتفت بدهشه : ليه عاوز تفتح الدفاتر القديمه ؟
ضرب بقبضه الطاوله التي امامه : عشان لازم كل حاجه تتفتح ، الماضي بقى خاص بمستقبلي ومربوط بيه الخاضر بتاعي
-بردو بعد اللي عرفته مُصر ترتبط ببنت فيروز ؟
– ومش بس كده لا انا هفتح القضيه اللي بسببها بابا اتعدم وهلغي الحكم ده وهثبت براءه تيام النحاس وكمان ممتلاكته اللي الدوله صادرتها من حقي انا ، وريثه الوحيد هو انا والاملاك دي والدي وارثها عن والده جوده النحاس ، هرجع حقوقي وحق ابويا واثبت للدنيا كلها ان تيام النحاس كان ضحيه لسلوك عدواني واضطهاد من اهله وصلوه ان يكون غير سوي ، مريض نفسي بيعاني من عده امراض ، غير مسئول عن تصرفاته ، هخلي الصحافه تتكلم عنه وهخليها قضيه راي عام ، دي قضيه مجتمع بأكمله ومش هستسلم ولا هرتاح غير وانا رافع راسي وفخور بوالدي ،..
نظرت لوالدها بصدمه : حضرتك موافقه علي الجنان ده ؟ دي هتكون فضيحه .
– سيبي ابنك يعلم اللي يمليه عليه ضميره ويريحه وياريت لو تعرفي حاجه اقغي جنبه وساعديه يسترد كرمته وحقه ..
تلاقت اعينهم بصمت قوي ابلغ من الكلام ، راءت بعيناه الرجاء وانها بحاجه اليها ، شعرت بأذابه الجليد داخل قلبها وهزت راسها وهي تخبره باسم الطبيب الذي عرفته عن طريق الصدفه التي بدلت حياتها من يومها هذا وتحررت من قيود تيام النحاس …..
_________