طبع قبله حانيه اعلي جبينها : حاضر ..ثم غادر المنزل باكمله ليستقل السياره متوجها الي المشفى ..
اما عن أسيا ، ركضت الي غرفتها بغضب ، لتلحق بها خلود ، طرقت بابها ثم دلفت لداخل الغرفه تقترب من ابنتها تهمس بعتاب : ايه اللي جرالك عاوزه افهم ، اول مره تكلمي بابي كده
– عشان عنده اللي اهم مني ومش فاهمني ولا حاسس بيه
جلست بجانبها اعلي الفراش وهي تمسد علي خصلاتها البنيه :: مافيش اهم منك في حياتنا ، وبعدين عمو نديم تعبان ولازم باباك يكون جنبه ده صاحب عمره يا قلبي ، وبعدين ده بدل ماكنتي فعلا تروحي معاه وتقفي جنب ليلي هي مش صحبتك ولا ايه
اجابت بحده : لا مش صحبتي ولا من سني ولا صديقه دراسه ولا اي حاجه وليلى دي كلها علي بعضها انا مابحبهاش
نظرت لها بصدمه : ليه كل ده ، الفرق بينكم سنه بس ومتربين مع بعض ، ايه اللي حصل ولا ايه اللي اتغير .
دثرت نفسها بالغطاء : مامي بليز اطفي النور ، تصبحي علي خير
سأمت تصرفات ابنتها المتمرده ثم تنهدت بضيق ثم نهضت عن الفراش لتغلق الاضاءه وتغادر الغرفه وهي تهز راسها بأسي ، فلا تعلم بما اصاب ابنتها لتجعلها تتفوه بتلك العدائيه …..
__________
بعدما غادت والدتها الغرفه ، تركت الفراش علي وجه السرعه ثَم توجهت الي حيث خزانه الملابس لتخرج حقيبه الظهر خاصتها ووضعت بها بعض الثياب الخاصه بها وبعدما انتهت حملتها اعلي ظهرها واخرجت الهاتف لتتحدث مع شخص ما ….
همست باقتضاب : انا جاهزه ، قرب العربيه من باب الجنينه .
اغلقت الهاتف ثم دسته داخل سترتها الجينز وغادرت الغرفه وهي تحمل الحذاء بين كفيها وتسير علي اطراف اصابعها لكي لا تشعر بها والدتها …
_______________
داخل المشفى ،.
فتح عيناه ببطئ ليجد ابنته امامه ، همس لها بتعب : فيروزه فين ؟.
ابتسمت له بسعاده ووضعت راسها اعلي صدره وهي تهمس برقه : فيروزتك بخير ، ومستنيه تشوفك عشان ترجع معانا البيت
حاول الاعتدال وهو يهمس بلهفه : بحد كويسه وهتروح ، امال الدكتور ده قال ايه ة؟
ضحك شقيقه وهو يستطرد قائلا : هو الدكتور لحق يقول حاجه ، انت وقعت مننا يا بطل ، يلا بقي شد حيلك وبلاش جو الحبيبه ده يطول انا عندي عيال خناشير وعاوز اربيهم ، خضه كمان وانا اللي هتواري تحت التراب
ضحك الجميع علي مزاحه ووكزته زوجته بخفه : بعد الشر عليك يا روحي
اقترب متها يهمس بصوت خافت : ابقي فكريني لم نروح نفسي في بنوته بلاش خناشير تاني
نظرت له بغضب ليحاول رسم الجديه : بهزر يا وحش بهزر
في ذلك الوقت ات الطبيب وتاكد من حاله نديم الصحيه وانه تجاوز الخطر ولكن طلب منه بعدم الانفعال والتحلي بالصبر والهدوء وطمئنه ايضا علي حاله فيروز والان تتنفس بدون الاكسجين فقد عاد معدله الطبيعي ولكن سوف تظل تحت الملاحظه لمده 73 ساعه قبل ان تغادر المشفي ….
__________