نظر لها بصدمه ثم هتف بعتاب : عاوزاني اخالف ضميري بعد عمري ده كله يا رضوى
انسابت دموعها بحرقه : مش قصدي تخالف ضميرك يا معتصم ، بس الوضع اللي كلنا فيه دلوقتي صعب ، صعب عليه وعليك وعلي مراد لو عرف حاجه زي كده ، طيب نديم وفيروز عرفو باللي حصل ، صعب علي
الكل فتح جراح الماضي ويا عالم الجراح دي هتتداوي ولا هتفضل كده .
مسد علي كتفها برفق : ان شاء الله خير ، ربنا يقدرنا ونحاول ننقذ ما يمكن انقاذه ، اطمني انا واثق في ابني ، مراد قوي وهيتجاوز المحنه دي وكلنا هنخرج منها بخير وهنفضل عيله واحده مافيش حاجه هتزعزع الكيان اللي احنا عملناه …
__________
نزع نضارته الشمسيه ثم رفعها اعلي خصلاته السوادء يترقب ظهور شقيقته وهي تغادر صاله المطار ، عندما وقعت عيناه عليها ، اقبل عليها بخطواته الواسعه يستقبلها بابتسامته الودوده .
– حمدالله علي سلامتك يا لوكا
بادلته الابتسامه وهي تعانقه بحب : الله يسلمك يا كيمو
سحب عنها عربه الحقائب يقودها ليغادر صاله المطار ويضعهم بحقيبه سياره جده الذي استعار بها من اجل استقبال شقيقته ” فلك ”
بعدما استقلت فلك السياره بجانب شقيقها نظر لها كريم بتسأل : امير ماجاش معاكي ليه ؟ الولد ده مش بيفكر يشوف بلده خالص ؟