نظر له بجديه : ما تشغلش بالك انت
بعدما غادر غرفته توجه الي بنك الدم اولا لشراء اكياس الدم ثم اعطاهم للممرضه التي تحضر غرفه العمليات ثم توجه الي الحسابات لدفع تكاليف العمليه والمشفي ….
وتم تجهيز عمر ونقله الي العمليات ليتم تطهير الجرح وتخيطه ونقل له الدم الكافي ….
_________
بعدما دلفت الشقه بجانب عمها ، اصطحبها لغرفه فريده .
اقبلت عليهم ملك بقلق تتسأل عن حالتها :
– مالها ماسه يا عز
هتف عز بهدوء : ملوكه حبيبي ياريت تعمليلها ليمون عشان تهدى
همت بالتوجه الي المطبخ لاعداد عصير الليمون اما عز دلف بها للمرحاض اولا لينثر بعض قطرات الماء اعلي وجهها ثم جفف وجهها وهمس بحنان : حبيبه عمو مش هتقولي فيها ايه ؟ لو عمر مزعلك وديني اعلقه
هزت راسها نافيه وعادت تبكي بنحيب وتقص عليه ما حدث معها هي وخطيبها والان لا تعلم شيء عن وضعه الصحي ..
هز كتفها برفق ونظر لعيناها بقلق : حد من العيال دي لمسك عملك حاجه
هزت راسها نافيه ثم قالت : بلاش مامي وبابي يعرفو ، لو حد فيهم عرف اللي حصل مش هيلومي غير عمر وهو مالوش ذنب ، هو كان عاوز يخرجني من حاله الاكتئاب والوقت سرقنا
ربت علي كتفها بحنان ثم اجلسها بالفراش : ماتقلقيش انتي هتنامي هنا انهارده وانا هاتصل اعرف براء انك مضايقه عشان بعد فريده عنك وماتخفيش هتصل بعمر عشان اطمن عليه واشوفه فين واروحله وانتي اهدي كده وبطلي عياط