انتظر سيف امام غرفه الطوارئ يتنهد بضيق الي ان صدح رنين هاتفه معلنا عن اتصالا من جده ليعلم سبب تاخيره ، اخبره بان لديه عمل هام ولم يعود الي ان ينهي عمله ، ثم اغلق الهاتف مع جده عندما غادر الطبيب غرفه الطوارئ ..
اقترب منه يتسأل عن حالته : خير يا دكتور
الطبيب باسف : المريض نزف دم كتير ومحتاج نقل دم وهيدخل عمليات دلوقتي ، جرح كتفه عميق
هتف سيف بقلق : تمام اعملو ليه اللازم وانا مستعد لنقل دم
– فصليه دمك ايه احنا محتاجين ( +B )
– بس انا ( A ) للاسف
– تقدر تشتري من بنك الدم وكمان في اقرار لدخوله غرفه العمليات لازم تمضي الاقرار بالموافقه ، غير طبعا هتدفع مبلغ وتملي الاجراءات المطلوبه
زفر انفاسه بضيق : تمام يا دكتور هعمل كل المطلوب ، بس ممكن ادخل اطمن عليه
– تقدر تشوفه عشان قدامنا نص ساعه بنحضر العمليات ، هو دلوقتي متعلق له محلول واخد مسكن قوي
دلف لداخل الغرفه وهو يهمس بضيق : دكتور ده ولا جزار ، ايه البرود اللي بيتكلم بيه
اقترب من فراشه بابتسامته الهادئه : عامل ايه ، تصدق لسه ماعرفتش اسمك ؟
ابتسم له عمر بوهن ثم اخرج تنهيده عميقه وقال : عمر دكتور اسنان
ربت علي كتفه الاخر وهو يقول : سيف محامي ، ممكن بطاقتك عشان املي اجراءات المستشفي