– لا بجد مش وقت شرب ، انا اسف جتلك كده من غير ميعاد
قاطعه بود: ميعاد ايه يابني اللي بينا ، احنا اخوات وتشرفني في اي وقت ، بس شكلك داخل جد كده ، فرحني وقولي انك هتكون صديق مهنه كمان
هز راسه نافيا : لا موضوع اهم
– ايه ده اللي اهم من حلمك في النيابه ، يابني طاوعني وقدم تظلم ، وصدقني هتتقبل في النيابه ، انت احق بيها .
تنهد باسي ثم قال : صدقني يا رياض عندي اللي اهم من النيابه دلوقتي وكمان عرفت ايه السبب اللي منعني امارس المهنه واكون زميل ليك ، وده اللي جايلك فيك ،محتاج منك مساعده شخصيه
نظر له باهتمام : انا تحت امرك يا متر ، عندك قضيه مهمه ولا ايه
– اهم قضيه بحياتي
بدء يقص علي مسامعه كل ما عرفه عن الماضي وعن القضيه التي تخص والده وعن السبب الحقيفي في حرمانه من والده ، الي ان انهي حديثه وهو يخرج تقريرا طبيًا قد جلبه من الطبيب وبه كل شيء متعلق بحاله والده وعن المرض النفسي الذي كان يعاني منه ……
+
كان ينصت اليه باهتمام الي ان انتهي سيف من حديثه ليربت علي ارجله بقوه وهو يهتف مواسايا لصديقه : اطمن انا معاك
نهض عن مقعده ودار حول مكتبه ليجلس خلف مكتبه وهو يرفع سماعه الهاتف الخاص بمكتبه وينظر لسيف : من حقك تعيد التحقيق وتفتح القضيه ، قولي اسم الظابط اللي حقق في الوقعه وكانت تابعه لقسم ايه