طرقت فريده الباب ثم دلفت بهدوء تقترب من الفراش ، جلست بجانب ملك تطلعت اليها الاخيره بحب ، لتعانقها فريده بقوه :
– ماتخفيش مش هغيب عنك كتير والله
هتفت من بين دموعها : ازاي بس هتغيبي بالشهور مش هشوفك فيهم ولا هعرف عنك حاجه ، هتوحشيني وهيفضل قلبي قلقان عليكي
– انتي هتوحشيني اكتر ، بس انتي بقي مش هتغيبي عنه لحظه عشان معايا في كل وقت جوه قلبي يا موكا قلبي انا وبعدين هتصل بيكي واحكيلك كل حاجه بتحصل معايا ، يعني هتشاركيني يومي بكل تفاصيله ولا تزعل نفسك يا جميل
شددت ملك في احتضانها وجاهدت في اخفاء دموعها ..
________
عوده الي فيلا الصيرفي ..
بعدما ات الطبيب وفحص قدم ليلى تبين لهم بانها قد كسرت عندما تحاملت عليها وتورمت لذلك تم وضعها داخل جبيره وتلزم الفراش دون ان تسير عليها لمده اسبوع وستظل بالجبيره لمده شهرا لكي يلتئم الكسر .،
اغمضت عيناها بقوه تجبرها علي النعاس والهروب من هذا الواقع التي تعيشه الان ، منما جعل الجميع يغادرون الغرفه بصمت …
_______
ترك نديم الفيلا باختناق وعندما استقل سيارته ، لحق به شقيقه وجلس جانبه ، يريد ان يظل معه ..
تنهد بحزن وهو ينظر له بتسأل : مابقتش عارف اللي عملته ده صح ولا غلط ؟
ربت نبيل علي كتفه بهدوء: اللي حصل ده الصح يا نديم ، “لي لي” كانت لازم تعرف سبب رفضك ، صدقني كده احسن للكل
– ولو ليلى بعد اللي عرفته وفضلت متمسكه بابن تيام ، انا هعمل ايه ؟
– لي لي عاقله وانا واثق انها هتقرر بعقل
هتف بحزن : مش حابب اكون سبب في هدم سعادتها ، مش قادر اتخيل اصلا ان انا اللي واقف حاجز في طريق سعاده بنتي
– هون علي نفسك يا حبيبي وان شاء الله ربنا هيحلها من عنده ، لولو لسه صغيره ولسه ياما هتقابل ناس وتحب ، عندك انا مثلا لفيت قد ايه وصاحبت واعجبت وعلاقات بعدد شعر راسي بس في الاخر قابلت الحب اللي صاني وغير حياتي ، لي لي لسه ياما هتشوف ، صدقني مش نهايه العالم حب سيف وهي هتعرف ده كويس .
تنهد بضيق وهو ينطلق بسيارته : اتمنى ماتنكش قابلت الحب الحقيقي وسيف يكون مجرد اعجاب مش اكتر …
-_______
لم يتحمل عابد ما حدث ، دلف ثانيا لغرفتها بهدوء ، يعلم بانها لم تنام ، جلس بالقرب من الفراش وهو يهتف بجديه :
– عارف اللي سمعتيه صدمه ليكي وكلنا بصراحه اتفاجئنا ، بس مش معني كده ان الماضي يسرق منك الحاضر ويخصرك حب عمرك ،” لولي ” خالتو قالت اي كان قرارك هي معاكي فيه واناكمان معاكي ، بلاش تسيبي الصدمه تأثر عليكي وتاخدي قرار اهوج دلوقتي ، فكري في حياتك وبس ، انتي رسماها ازاي وحابه تعيشيها مع مين ، ماتديش للماضي اكتر من حجمه ، احنا دلوقتي في المستقبل ومن حقنا نعيشه زي مااحنا مخططين مانشبس الظروف تجبرنا ولا تختار عننا ، عندنا قلب وعقل نميز احنا عاوزين ايه وهنوصل لايه ، كنت لازم اقولك الكلمتين دول دلوقتي عشان صمتك ده مش مريحني ، هسيبك بقى ترتاحي وحاولي تنامي بجد ..
ترك الغرفه بهدوء كما دخلها ولكن بسبب كلماته اشعل الثوره داخلها ، واوقد مشاعرها التى حاولت اخفاءها لتنهال دموعها التي كانت تكتمها فلم تعد لديها قدره علي التحمل ، انهارات حصوانها بأول معركه ….
__________
صدع رنين هاتفه اثناء قيادته ، نظر لشقيقه وطلب منه اخراج الهاتف من جيب سترته .
عندما اخرجه نبيل ونظر لشاشته عاد ينظر لشقيقه وهو يهتف : رقم غير مسجل
– طب رد ، شوف مين
اجاب نبيل بهدوء : الو … مين حضرتك
جحظت عيناه بصدمه ثم نظر لشقيقه وهو يردد : سامي السمري جد سيف .