قبلت وجنته برقه وهي تهمس بحزن : دي اكتر حاجه واجعه قلبي وهي بعدي عنك يا زيزو يا حبيبي ، انت حضني الحنين ، انت مش بس عمو انت كل حاجه في خياتي
ابتسم بألم _ يا بكاشه
– والله يا زيزو ، مش بقولك الست اللي تحت دي سمعتني كلام جارح ، يرضيك انا مش بنتها ، ماسه بس هي اللي بنتها
قرص وجنتها بخفه : انتي بنتي انا فروله قلبي
عانقه بحب لتنساب دمعته بصمت ، فهي حقا ابنته التي لم ينجبها ، فقد حرم من الانجاب ولكن عوضه الله بابنه شقيقه التي عاشت بمنزله اكثر ما عاشته بمنزل والديها ، والان يحزن لابتعادها عنه ، ولكن عليه ان يتحمل ذلك من اجل مستقبلها التي تحلم به .
نظر لها برفعه حاجب وهو يتسأل : مين بقي اللي يعرف بالجنان اللي عملتيه ده
رفعت كتفياها بلامبالاه وهي تقول : مافيش غير لولو بنت عمتو فيروز
– بقى ليلي تعرف ده انا هعلقها
همست بضيق : اعمل ايه ماسه طول الوقت مشغوله عني وماكنش عندي غير لولو حبيبتي اللي فهماني
– ماشي يا فريده انا هعرف شغلي معاكم بعدين ، قومي انتي شوفي ملك وحاولي تهديها وانا خارج شويا
ارسلت اليه غمزه شقيه : علي فين ؟
– مخنوق
ترك المنزل بضيق واراد ان يختلي بنفسه ، قاد سيارته ولم يعرف الي اين سيذهب …..
______